لكن تأتي الرياح بما لاتشتهي السفن؛فذات مرة  نظرت بمخيلتي بآلة الزمن إلى الوراء وتخيلت نفسي ومن حولي في الغرفة  أننا نرتدي الجلباب العربي الجاهلي ونذهب إلى سوق عكاظ  حتى نذهب جملة إلى بائعي الرقيق لنبحث عن بنات للبيع  ، وإذا بنا البعض يدلي بمواصفات فتاته والبعض الأخر يلتهم فتاته حبا وشغفا ويحملق بعين الخطيئة ، البعض يكتب " مطلوب فتاة محترمة ذو خلق جميلة لشاب وسيم ويدلي ببعض المواصفات التي كان يتمناها فيه ، أو ربما تكون أحلامه البعيدة الوصول " ، والبعض الأخر يقول دون أدنى حرج في صوتٍ عال : " مطلوب مدام من سن 30 ل 40 سنة للحب الليلي( حاسب على عينك ) شرط مايك أو كاميرا والذي منه " ؛ ومنذ ذلك الحين شعرت أنه لابد أن نعرف هل هذه السوق الجاهلية مجدية أم لا ؟ وكان لي نصيب أن أخذ بعض ردود الأفعال لبعض الفتيات حول سؤال : ماذا تفعلين بإعلانات الشات التي يقوم بها الشباب لطلب فتاة ، حتى لو كانت المواصفات مناسبة لكن تكاثرت الأراء حول سؤال واحد لذلك أدعوكم لمشاهدتها

       فــــــــــــــــــــــــــــاصل      ثم    نـــــــــــــــــــــــواصل

    دعاء: يعني أروح لولد وأقول له أنا أهه أن البنت اللي إنت بتدور عليها ، أنا البنت اللي فيها المواصفات اللي إنت طالبها ؛ لأ طبعا أنا واثقة من نفسي وبعدين اللي عاوزني يجي لي .

   ليلى : مش كله زي بعضه في بنات هتوافق على كده  وهي أصلا ً مش عاوزه غير كده وفي نوع تاني بيرفض الموضوع من أساسه وبعتبره إسلوب مش كويس وأنا من النوع التاني

   سوزي : إستحاله بيبقى صعب لأنه في شباب كتير بتكتب أن عاوز بنت محترمة ولما بتدخل تلاقيه شاب مش محترم ولكن على النقيض في شباب بيبقوا محترمين لما البنت بتدخل عليه بيدي لها إهتمام وراحة لأنها ممكن تتكلم معاه من غير ما تحس إن اللي قدامها ممكن يتكلم معاه من غير ما تحس إن اللي قدامها ممكن يتكلم في كلام خارج ، وأنا بحب ولد من 4 سنين عن طريق الشات كاتب " عاوز أتعرف على بنت محترمة " إتعرفنا على بعض وإستمرت العلاقة لحد النهارده .

   أريج : آه , هرد عليه بس مش هكون جد معاه أصلي بحب أشتغل الناس دي قوي

  مي : ولا أعبره إيه الواد العبيط ده ، أدخل أكلم ولد وأقول له أنا محترمة تعالى كلمني.

  ندى : أنا بكلم ولاد كتير بالطريقة دي ، وأنا معظم الmail بتاعي شباب إعلانات لكن مش كلهم برتاح لهم وفي منهم اللي بيحاول يدخل معايا في علاقات تانيه ( جنسية ) أحيانا ً أرفض وأحيانا ً أشوف أخره إيه ؟ ، وإية اللي خلاه يكلمني بالطريقة دي .

  سالي : آه ، بحب الطريقة دي بس مش أي شاب أكلمه في شباب أحس إنهم ذوق في طلبهم حتى لو كان هيوصل لدرجة معينه بس أظن إنه ده عن طريق الراحة النفسية ومصداقية الشاب ده .

   نور : بحس إنه في مسابقة على أفضل بنت موجوده في الشات وأفضل بنت هتروح لأزبل ولد موجود في المجتمع .

   منه : لقيت قدامي إعلانات كتير زي دي لكن في مرة كنت قاعده ولقيت ولد بيتكلم على العام بكل ذوق وإحترام  ومش كل همه البنات دخلت عليه وكلمته وفي خلال يومين إديته رقمي وحسيت إنه محترم ومش زي الشباب وعلاقتنا وصلت لدرجة الإعجاب.

   سمر : لما بشوف إعلان زي كده بقول إنه الشباب دول كلاب وعمالين يجروا ورا عضمه .

   أية : أنا بتكلم مع شباب عربي وأجنبي بحس بإختلاف في  الفكر بينهم العربي كل همه إنه يدور على بنت أما الأجنبي بحس إنه متفتح ودماغه عاليه مش كل همه XXX.

  مها : أنا دخلت على ولد كاتب أنا ولد وعاوز حد محترم أتكلم معاه ولما دخلت وقلت له : أنا بنت قال لي : طيب وأنا أعمل إيه قلت له : ليه هو إنت مش ولد ، قال لي : لأ ولد وعاوز أتكلم مع راجل عملت له Ignore ع طول .

    ولكن هل تعد وجهات نظر البنات هي الصحيحة وكان لي سؤال أيضا : لماذا يبحث الأولاد عن فتيات على الإنترنت وغيره ، ولماذا تعد الفتيات كل همهم ، وفي إستطلاع للرأي : لماذا الولد يبحث عن فتيات عبر الشات ؟ .

   قالوا :

     سامي : أنا بعمل إعلان علشان  ببقى عارف إنه كل اللي ع الشات ولاد و بيشتغلونا ولأني ببقى شايف إنعدام المصداقية في الشات العربي .وخصوصا ً إنه هوايتي التسلية .

    محمد : لإن الشيطان ضاحك عليه لأنه قال لله لأغوينهم أجمعين إلا عبادك المخلصين.

 عبد الرحمن : لأنه بيبقى عنده إحساس بالنقص علشان كده بيبقى عاوز بنت يثب معاها إنه ممكن يعمل علاقة .

    تامر : إعتقد إني بنت وراح قال لي علشان الواحد بيبقى عاوز يلعب سمعيني صوتك يا حلوة .

    خالد : قال لي بكل سخرية طيب عاوزه يعمل إيه يا خفيف ، يكلم ولد ما الولاد ماليين الدنيا .

    ضياء : عاوزين بنااااااااااااااااااااااااااااااات ، أما عن الجميع فكله عاوز يكلم بنت وخلاص اللي عاوز يحب واللس عاوز حاجة تانية والله أعلم .

           عــــــــــــــــــــــــــــــــــــــــــــــــــــــــــــد نا

وبعد هذا الكم من الأراء المجدية وغير المجدية تنافرت الأراء حول كلمة واحدة بنات للبيع هذه قضية حياتية تشغل معظم الشباب ولكن هل البنات لاتبحث عن ولاد ؟ هذا ما قد نرصده لكم العدد القادم ..........

كريم الشيخ