أستاذ كريم ..

سعادتك قلت :

" إذا كان يا مادز في مدونين معانا بيبقوا شاربين حشيش وخمور وبيروحوا يحضروا لقاءات "

...
......
.........
.............
.................
....................
........................
............................


عيد أضحى إيه يا مسطوووووووووووول ؟!

هههههههههههه


دمت يا أهبل ..

هههههههههههه
حبيبي بردو ( :

كل عيد أضحى وإنت بخير يا كيمو هههههه
لازم نضحى بالأم والجنين علشان الأب يعيش ههههه ولا إية دكتور أبو شوشة ههههه
كل عام وإحنا أصدقاء وأحبه فى الله .

كل سنة وانت طيب يا كريم

انت لو موجود من بداية الموضوع مكنتش كتبت ذلك ولكن جأت متأخراً للرد

بس مين اللى جاى شارب ومحشش وبيحضر اللقاء قولى والنبى

كل عيد وانت طيب

بصراحة ابوشوشة وايمان حسان خلونى مش عارف انا فى عيد أيه
بضم صوتى ليهم كل عام أضحى وانت طيب

عيد فطر سعيد عليك ياكريم

العزيز كريم الشيخ
كل عام وانت بكل خير وسعادة.. اسعدنى جدا رجوعك الى مدونتك،ومن الآن سأنتظر منك موضوعات متميزة كما اعتدنا.
واتمنى ان نغلق ملف الخلافات بين المدونين ونتحد فى سبيل توصيل قيم الحق والعدالة والحرية..

مساء الخير يا كريم
نبدأ م الأول
على بركة الله..
"حسس إنك سبت الحمار اللي مش قادرين عليه ورايح تمسك في بردعه أنا أسف لهذا التعبير ولكن هو أنسب تعبير لما تفعله
من تهكم على هذا الشخص
وبعدين هو أنت مراته رايح تصور بيته وموقع الإستراتيجي والإنتخابات وبيرجع الساعة كام؟"
-- طبعا تعبير زى ده - وإن كنت تظن هو الأنسب - فده شئ مش ظريف خالص.
مشكلتك يا كريم إنك مفهمتش المغزى من مقال طوييييييل زى ده ، وكونى جمعت معلومات واقعية عن قضية فى عالم إفتراضى فده شئ يحسب لى مش يحسب ضدى ، ده فى المجمل ، إنما يحسب ضدى لو استخدمته بشكل سيئ ، يعنى مثلاً مفكرتش ليه مقولتش اسم الشغلانة اللى خارج مجاله واللى اكيد أعرفها؟
عشان محدش يفهم خطأ ، وبرغم ان الشغل عمره ما كان عيب إلا إنى محبتش أحرج حد.
تقدر يا كريم تجاوب على السؤال ده: هل تم اساءة استخدام تقرير الواقع؟
اذا نعم فأنا مستعد أحذفه ونكتفى بتقرير النت ، وإذا لا ..فياريت تعيد التفكير.
"إذا كان يا مادز في مدوين معانا بيبقوا شاربين حشيش وخمور وبيروحوا يحضروا لقاءات"
-- بصراحة ده شيئ صادم ، وليه صادم؟ ما كل واحد حر!
"وبعدين هل حب الجماهير له او كرهه سيؤثر علينا
وهل كونه مسيحيا وأخفى علينا أو لم يقل لنا سيفيدنا بشيئ"
-- فى الغالب مش هيأثر فى شئ يا كريم ، لكن ده تقرير ، أكيد انت عارف قصدى ايه ، وأنا حبيت ادرس الشخصية دى حسب المعلومات المتوفرة ، وهو ده اللى حصل .. وكون الناس بتحبه أو بتكرهه أو هو مسيحى أو مسلم هو طبعا حر حرية كامله فى ده .. نرجع تانى ونسأل: هل أنا أسأت إستخدام تلك المعلومات؟ هل أنا قلت إنه مسيحى يا جماعة فاكرهوه ؟ طبعا لأ ، انا نفسى ليا اصحاب مسحيين ، وهو تقريبا كده مسلم. أولا وأخيرا هو حر..
"أعتقد يا مادز أنك أخطئت في إستخدامك لمعنى المدونة
وواجب عليك إرجاع نفسك فيما تفعله
وهل سيكون الدور القادم عليا
هل ستهاجمني ؟"
-- إعتقادك أنا لا أملك إلا أن أحترمه ، ووجهة نظرك اللى بتوجب عليا مراجعة نفسى فى اللى بعمله برده بحترمها ، واذا كنت تتخيل إنى سايب حياتى كلها وفاضى اعمل تقارير عن الناس فانت غلطان ، باختصار يا كيمو باشا : لن أهاجمك .. تماما كما لم أهاجم أحد طيلة حياتى التدوينية ،

"وهل هتيجي تصور بيتي لأني إعترض عليك في وجهة نظرك ولأنه كان في خلافات دائما في وجهات النظر بيننا"
لا .. مين قال كده؟
"مادز لابد من مراجعة نفسك .........."
-- تذكر أن تلك اللابدية من وجهة نظرك
"ولا تأخذ المدونة للتشهير بأشخاص أخرين ربما إختلفوا معك في وجهات النظر"
المقال ده بالذات باين من عنوانه: "مثال مجرد .. مجرد مثال"
وانا ريحت ناس كتير كده زيك وقولت: اللى شايف انه بيتعرض للسب أو القذف أو التشهير يرفع دعوى قضائية وياخد تعويض ، احنا ورانا ايه؟ هههه
"والمدونات دي عبارة عن لعبة شطرنج
فيها منافسة وذكاء
والشاطر اللي يكسب كل حاجة بأقل خطوات ممكنة من غير ما يقوم يتاخنق مع المنافس اللي قدامه"
-- بس الإختلاف كبير بين اللى بيلعب باللون الأبيض واللى بيلعب "بالإسود".
"مادز انا من الهرم تعالى يللا صور بيتي وأفضحني أنا كمان"
-- لا صوره انت وابعتلى الصور عشان مشغووول جداً
"وأعتقد أنه يا جماعه ده يعتبر درس لأي حد هيفكر بعد كده ينتقد كتابات مادز"
-- هههه وحتى من غير درس يا حبيبى ، الناس قامت بالواجب وزيادة.
"أما يا مادز عن المدونة فأنت وصديقك لستوا أوصياء على كل هذا الشباب
إذا كنت أنت رفضت أن يكون عادل نجم وصيا عليك وهو يكبر بثلاثين عاما
فأنا أرفضك أن تكون وصيا عليا وأن أكبر منك ، أنت وصديقك قلتكم نحن هنا من أجلك
هل لأنكم من أجلي تفضحون مثل هذا الرجل"
-- شوف يا كريم ، احنا لما بنتكلم عن جيل الكبار عمرنا ما بنقصد الكبار كلهم ، وأيضاً لما بنتكلم عن جيلنا عمرنا ما قصدنا جيلنا كله ، يعنى باختصار أنا مش بفرض نفسى وصى عليك ، وأظن دى حاجة بديهية يعنى ، انك لما بتعانى من خطأ بيرتكبه الآخرين تجاهك .. انك مش تكرره ، كفاية انك بتعيشه .. ولا ايه؟
واذا كانت "نحن هنا من اجلك" مضايقاك ، خليها نحن هنا من أجلك ما عدا كريم 
"تفضحون" زى ما قلتلك ، موضوع المحكمة والتعويض وريح دماغك.

"فرضا يا مادز لو عادل نجم شيوعيا او حتى كافر مع العذر والأسف للأستاذ عادل
مالك أنت وهذا إذا أنت لم تريد أن تقرأ له هناك من يريد أن يقرأ"
-- انت شايفنى قفلتله مدونته ، ما هو حر يا سيدى .. شيوعى .. ملحد .. مادزاوى ، مع الاعتذار والأسف برده فهو يعمل اللى هو عاوزه ، واللى عاوز يقرأله يقرأله واللى مش عاوز ميقرأش ، لكن حريته يجب ألا تتعدى على حرية الآخرين ، وسلطلة (اللى بيعطيها المجتمع للكبير) أساء استخدامها معانا ، وأظن الكلام ده مكتوب فى المقال اللى انت بتعترض عليه.
"ولا إنت الوصي على جيران كلها"
-- فى ناس فاكره كده ، دول بقى ربنا يتولاهم لحد ما يفهموا قصدى ايه على 2063 كده.
"إذا أرت فعلا أن تتكلم بحقوق جيل بحاله فلابد أن تعرف ماذا يريد هذا الجيل ؟
لكي تتكلم بلسانه
شكرا ليك يا مادز"
-- حلو يا كريم ، أنا بدأت ومعايا أحد الأصدقاء .. لو حابب تعرفنا مشاكل جيلك من وجهة نظرك انت ابعتها على اميلى اللى انا كاتبه فى تعليق ، كمان تقدر تعمل مدونة مستقله وتكتب فيه مشاكل جيلك ، انت راجل مجرب وعارف مليون طريقة للتعبير ..انت أوغيرك ، أما أنا .. فأتكلم بلسان الجيل أولا من وجهة نظرى وثانياً لأن مفيش حد بيتكلم ، ولا ايه يا بطل؟

هولاندابتسلم عليك ..
تحب أجيبلك طاهونة هواء من هناك؟
هههه

بهزر معاك بس ، رفريش بسيط كده عشان تنزل بتقلك بعد العيد (عيد الفطر)
ياللا سلام

ههههههههههههههه
انت ياض يا ابوشوشه
تقصد ايه
انا اللي بأجي اللقاءات وانا شارب
هههههههههههههههههه
يا بني اذا مكنتش مش عارف السيجارة بتتمسك ازاي؟
هشرب
بس انا وانا بكتتب الموضوع كنت لسة بصح من النوم ولقيت الموضوع ده فعصبني

أيوووووووووووووووة يا جدعان
هما الأسكندرانية هيترياقوا على القاهريين ولا ايه؟
انتوا ناسيين اننا احنا اللي علمناكوا ازاي تتكلموا
ماشي ماشي
وااااااااااااااااااااااء
كل سنة وانتي طيبة يا ايمان

حتى انت يا وحيد
بتتريق عليا
ماشي
عامة يا وحيد مهما وصل الحال الى الحوار فالم\ونات ليست مجال للتصارع
احنا ما صدقنا خلصنا من حوار بوب
هيطلع لنا حوار تاني
يا جماعه عاوزين نرجع تاني بجد

شكرا ليكي يا دودو
وانا مقدرش اعيش من غير المدونة
كانت فترة نقاهه ليس الا

مادز
هو مثال مجرد مثال ده مكنش ينفع ينطبق على شخص اخر مجهول الهوية
ولا علشان في خلاف شخصي بينك وبين عادل نجم
فبتشرده
يا راجل
ما الفرق بين تقرير الواقع وتقرير النت اللي انت بتقول عليهم
جايب لي بيت الراجل وبتقول كان ناقص ندخل البيت
اعتقد انه المفروض انت عارفه انه البيت له حرمته
عيييييييييييب والله يا مادز
انه توصل بينا ........... للدرجة
وانا اطالب جيرا انها تحذف الموضوع ده لمادز
وبعدين ايه المانع انه الراجل يشتغل شغلانه غير مؤهله
حرااااااااااام ولا ايه ؟
حتى لو كانت الشغلانة دي تاجر مخدرات يا اخي

والطاحونة وصلت يا مادز
شكرا لإستخفافك بكلامي
ولازم تعرف يا مادز انط اخطأت
انا مش بدافع عن عادل نجم لأنه لا يعنيني كشخص بشيئ لكن يعنيني كمدون وكأنسان له حق وواجب
أخطأ فيك مش تعمل كده

أخي العزيز كريم
السلام عليكم و رحمة الله

تقبل منا و منكم و عيد سعيد مبارك
أعاده الله علينا و عليكم باليمن و البركات

سعاد البدري

أخي العزيز كريم :

كل عام وأنتم بخير بمناسبة عيد الفطر السعيد .. أعاده الله على الأمة الإسلامية بالخير واليمن والبركات ..

والحمد لله على سلامة رجوعك لنا مدوناً متميزاً ..

ومجرد نصيحة لوجه الله لك يا كريم ويا مادز .. ابحثوا عن نقاط الاتفاق ما استطعتم .. واتركوا نقاط الخلاف .. طالما لا توجد ضرورة ملحة لإثارتها ..

نريد مواضيع هامة متميزة .. والمهم لا تختلفوا ما استطعتم إلى ذلك سبيلاً .. إلا فيما يعتبر خلافاً صحياً .. تتقدم به الأمم .. لا خلافاً مدمراً يستهلك الطاقات ولا فائدة مرجوة منه .. بل خلافاً يحفز الهمم ويوحد الطاقات لقضايانا الأساسية ..

مش عارف إذا كلامي واضح .. ولا فلسفي شوية

بسام البدري

الاخ العزيز/كريم
اشكرك على ماقلتة بحقى من مبدأ دفاعك عن الحق لكن لاتقلق ياصديقى فالحمد للة اكسبتنا السنين القدرة على خوض الحروب وكما تقولون فى الصحافة حق الرد مكفول بنفس المساحة وفى نفس المكان وقريبا ستعلم عن ردى هنا فى جيران وخارج جيران مادامت الامور تجاوزت المدونات ووصلت الى الشخصنة وانى كنت ارتدى فى رقبتى صليب او اضع بزازة مثلا ولاتقلق فهذا الفسل لن يقدر على تشريدى كما تقول انما افكر كيف يكون الرد قويا حتى تسمعة فى القاهرة .
شكرا ياكريم على صدقك وصراحتك .
عادل نجم

شكرا لك يا استاذه سعاد
وكل سنة وانتي طيبة

أخي الغالي بسام انا مقدر شعورك
وانا حقا لم اختلف مع مادز او اهاجمه
ما حد يستحق ذلك
السؤال اللي بسأله لكل مدون
هل خلاص اصبح من حق اي مدون الدخول في حيات الاخر ؟
ليس الا
مادز اخي
ولكن يا بسام
هل انت ترضى انه اشتياق تيجي لحد بيتك وتصورة وتشهر بيك في المدونة بتاعتها
بس

أستاذ عادل
اتفق معك في ان حق الرد مكفول
ولكن اختلف معك ي تبيه مادز بتلك الكلمة
انا عندما دافعت دافعت عن حق مدون
ليس عادل نجم بالاخص ولو ان اثنين اخرين غيركم قاموا بهذا سأدافع عن المظلوم فيهم من وجهة نظري
أما أنه حضرتك ترد عليه
وتبتدي حرب جديده
فهذا يقلل من شأنك في نظري
من المفترض أنت الكبير
نحن نريد تهدأة الأمور
لا إحراق الامور
وان كان ليا عندك خاطر
السكوت سيكبر في اين المدونين
رجاء بالله عليك
وأنا طالبت جيران بمسح الموضوع

أخي العزيز كريم :

أنا فهمت قصدك فعلاً من الأول .. فحرية التعبير مكفولة للجميع .. ولكنها يجب أن تقف عندما تصطدم بحريات الآخرين .. فالتشهير بالغير لا شك أمر مذموم ..

وأنت ومادز إخوان وأعرف مقدار شعورك الطيب نحوه وأنك فقط إنما توجهه إلى الصواب من وجهة نظرك حباً فيه لا أكثر ..

أما عن ذكرك لاشتياق .. فبالنسبة لي .. لها مطلق الحرية أن تفعل ما تشاء فيما يخصني .. فهي أخت عزيزة وما تفعله دائماً على قلبي زي العسل ..

وبعدين معاك يا كريم .. اهدا شوية .. لازم نتحمل بعض يا أخي ..

وعلى العموم أعتقد ان العزيز مادز استفاد من إيجابيات موضوعك ..

أحترم تماماً وجهة نظرك ..

بسام البدري

الصديق العزيز/كريم
عندنا مثل بيقول ليس بعد حرق الزوع جيرة وهنا فمرعى حرق كل مراكبة عندى ولن اكتفى بالمهاترات فى المدونات سيكون هناك رد عملى وسيصل الى ابعد مدى ممكن ان تتخيلة
اشكرك على صدق نواياك وسعيك للخير
عادل نجم

أخي العزيز عادل :

لي رجاء عندك .. أرجو أن تتعامل مع الموضوع من باب الإخوة فيما بينهم .. وألا تنساق إلى ما لا يحمد عقباه .. وانت الكبير يا أخي .. ومادز أخوك الصغير مهما فعل ..

بسام البدري

أخي العزيز عادل :

لي رجاء عندك .. أرجو أن تتعامل مع الموضوع من باب الإخوة فيما بينهم .. وألا تنساق إلى ما لا يحمد عقباه .. وانت الكبير يا أخي .. ومادز أخوك الصغير مهما فعل ..

بسام البدري

كريم ..

كلما هدأت الأمور يأتي من يحركها .. إنها مستنقع لا خير فيه على الإطلاق ..

حقا .. نحن جميعا نمتلك هنا حرية التعبير .. ولكن بحدود.. يجب ألا تصطدم بحريات الغير مهما كان .. ذلك كما أخبر أخي الدكتور بسام البدري .. (أقدم له تحية وشكر خاص على كلماته التي أسعدتني كثيرا) ..

يا أخوتي .. ما ندونه هنا في مدوناتنا هي أفكارنا .. نطرحها ليتعرف عليها الآخرون .. هؤلاء الآخرون من الممكن أن يكونوا جميع الجنسيات العربية .. ما لهم ومال أمورنا الشخصية ؟ بم تعود على أفكارهم من نفع ؟ ما الفائدة التي نقدمها لهم لنخبر بها عن أنفسنا ؟

يجب الابتعاد كليا عن الأمور الشخصية والتي تتعلق بالآخرين ..

في هذا المجتمع الجيراني الصغير طبيعتنا كبشر تقتضي علينا التفاعل إنسانيا مع الآخرين .. وقد تنبهت لذلك الإدارة في جيران منذ أن أنشأت فطلبت منا إدراج إيميلنا الشخصي الذي يظهر لنا من قبل كل من يتفاعل معنا .. لماذا ؟؟ أليس للتواصل الشخصي ؟ أليس لعدم نشر الأمور الشخصية على أسطح المدونات ؟

إخوتي .. الأمور بدأت تتعدى حدود التدوين .. وأصبحت المدونات في بعض الأحيان عبارة عن صفحات شخصية .. لا تفيدنا أبدا .. هناك في العالم العربي من يفتح صفحاتنا ليتعرف علينا كشعوب عربية .. هكذا بدأت أنا معكم هنا في جيران كنت أبحث عن المدونات تبع البلاد وليس الأشخاص .. أطوف بلاد المغرب العربي من خلال مدونات أبناءها .. لبنان سوريا مصر الأردن ليبيا دول الخليج العربي .. كل البلاد العربية .. أتعرف عليها .. على ثقافاتها ..طباعها .. عاداتها .. تقاليدها .. هموم أبناءها.. طبيعتها الجغرافية ومعالمها الحضارية وتاريخها السياسي.. النضالي .. المستوى الفكري لأبنائها .. أيضا أبحث عن بلادي في عيونهم وقلوبهم وفكرهم ..

المجتمع العربي التدويني في جيران .. هو عبارة عن مدونين عرب تجاوروا رغما عن كل الحدود .. فإن فرق بيننا العدو وزرع بين بلادنا العربية حدود ليمنعنا من التواصل العربي فقد حققته لنا جيران عبر تلك المساحة الحرة الواسعة .. فكل منا هنا ما هو إلا سفير لبلاده .. يعكس وجه بلاده من خلال نظرته إليها .. ويعطينا فكرة حقيقية عنها وعما يحدث فيها .. أشياء كثيرة جدا كنت أجهلها عن بلادنا العربية تعرفت إليها من خلال هذا المجتمع ولا أنكر أبدا ب

ولا أنكر أبدا بأن تلك المدونة (علي صوتك) هي أول من كشفت لي الوجه المخفي للحقيقة التي صدمتني كثيرا ولم أكن أعلم بأن في مصر اضطهاد أو مناهضة لأي نظام أو فكر إلا من مدوناتكم شخصيا ..

أرجوكم .. وأرجو كل المدونين بلا استثناء على اختلاف جنسياتهم .. من كانت لديه مشكلة شخصية مع أحد المدونين يحاول أن يقوم بحلها وراء الكواليس بعيدا عن التشهير .. فمن يشهر فهو يشهر نفسه قبل أن يشهر الطرف الآخر .. يسيء إلى نفسه قبل أن يسيء إلى الطرف الآخر ..

نحن نبحث عن عقولكم وما تحويه من فكر ..لا نبحث عنكم شخصيا ولا عن قلوبكم ولا عن بيوتكم ولا عن دياناتكم .. ولا فرق بين مدون ومدون إلا بما يطرحه من أفكار ومواضيع تحرك قضايا أدبية واجتماعية وسياسية ودينية تعود بالنفع على الجميع ..

فلا تقللوا من قدركم وتعالوا على جراحكم وآلامكم وتخطوا كل الأمور الشخصية من أجل الوطن وعليائه من أجل عروبة تنتحبكم وتنتخيكم .. من أجل وجه حضاري مشرق ينعكس علينا جميعا وعلى تلك المؤسسة التي احتضنتنا جميعا لتقدم للعالم النموذج العربي المشرف من المدونين العرب ..

تحياتي لكم جميعا واحترامي وتقديري .. وكل عام وأنتم جميعا بألف خير وسلام .. عيد فطر سعيد أعاده الله عليكم جميعا وعلى أمتنا العربية والإسلامية بالخير واليمن والبركات ..

اقولها صريحة.. رغم اعتزازى بمادز واعتبارى له اخى الصغير الا اننى ارفض رفضا قاطعا ما قام به من تشهير وانتهاك لخصوصية وحياة الاخ نجم..
وانا اعتبر ما حدث سابقة لم تحدث من قبل، وارجو منه حذف الموضوع لأنى أخاف ان يتطور المر الى ما لا يحمد عقباه، خاصة ان نجم ومادز ابناء مدينة واحدة

رغم انه قد حدث خطأ مطبعى، وكتبت المر بدلا من الأمر. الا أن كلمة ( المر) معبرة جدا عن المرار الذى نتجرعه من هذه الخلافات التى لا مبرر لها

سررت بعودتك جدا يا كريم ..

وسررت اكثر بهذا النموذج الناضج الذي تطرحه في مدونتك الى الأمام قدما ..

وكل عام وانت بخير ..

للأسف يا بسام
انا دخلت مدونة مادز النهارده لقيته كاتب موضوع
عاوز يقول فيه اني اخطاءت في حقه علشان انتقدت كلامه وتجربه اللي هو عملها
يا بسام انت عارف والله مادز لو كان عاوز يعمل التجربة دي بجد وحريص انه يثبت حقيقه ما في دماغه
كان اثبتها على اي شخص تاني وليكن
الاب الروحي لينا النعماني مثلا بس كان يستأذن الاول
لكن هو اختار نجم علشان في خلافات بنهم
حرام بجد يا مادز اللي انت بتعمله ده

بعد حرق الزوع جيرة
ايه ده يا ابو النجوم
خلاص دخلتوا حرب
عييييييييب يا ابو النجوم انت كده بتقلل من نفسك والله
وبعدين ه حضرتك ليه ؟
بتتكلم بصيغة التهديد
بجد الموضوع زاد عن حده
وعييييييييييييييب يا جماعه كده
المفروض انت الاب لمادز

والله يا اشتياق هما دول العرب
احنا كده
مش بنحب الخير لبعضنا
ولا بنحب نعيش مسالمين
نحب نضرب بعض ونفتن على بعض
وندمر بعض
انا خلاص
جبت بنزين

والله أسف يا اخت عبير
مادز مش على قناعة بان اللي عمله ده غلط كبير وتشهير
وبيقول انه مجرد مثال
ليس الا
ومش فاهم يقصد ايه؟
المهم اني شايف
السلبية قدامي
في عيون المدونين
كل ما اقول لحد
يقول لي
انا تعبت
من الكلام في الموضوع ده

اروى كم انا سعيد بزيارتك لمدونتي
وفي انتظارك دوما

صديقى الغالى

كل عام وانتم بخير

وعلى الامة الاسلامية جميعا

الاخ مادز لم يخطىء فى حق احد

نشر صور الاخ عادل نجم او صور بيتة

من هو عادل نجم

ولماذا نشر صور لة

لو عرفت الحقيقة ما تفوهت بكلمة تدافع بها عن عادل نجم

ورجعت للتدوين لتبحث عن صورة نشرت لعادل نجم هههههه ياااااااااه

أستاذى المحترم عندما تكتب شىء اكتب شىء يستحق الكتابة

دمت بخير والامة الاسلامية جميعا ؟

م/ مختار عمر

م / مختار
شكرا لتعليقك
ومعتقدش انه حضرتك اللي هتعرفني اكتب ايه؟
وانا لما كتبت الموضوع كان من باب الحرص على خصوصيات كل مدون
علشان اللي زيي وزيك
ميجيش تاني يوم واحد يقول كذه وكذه
اما انه عادل نجم اخطأ أو مادز أخطأ
ده امر ميخصنيش
انا اللي يخصني هو عدم الاشهار بالاخرين واحترام بعضنا البعض خصوصا حضرتك
انه اتضايقت
لأني كنت قاعد مع عادل نجم ومادز
وعادل نجم عمال يشرح لمادز في بيته
يعني كده مادز بيضرب عادل نجم في ضهره
ولا حضرتك شايف ايه
طبعا عادل نجم رد وانا متفقتش معاه برضه
في طريقة رده
علشان كده انا قفلت الموضوع ده خصوصا بعد ما عرفت انه مادز رايح يتصالح مع نجم
شكرا ليك

أولا كل عام وأنت بخير وكل الأمة العربية والإسلامية كذلك ثانيا أشكرك على موضوعيتك ,اشكرك على زيارتك لي والتمس لي العذر لأن تواجدي بجيران ليس بمكثرة وادخل بعض المدونات وأعلق محض صدفة وذلك لأنني مشغول بكتابة كتاب نشرت الافتتاحية والمقدمة قبل التعديل في المدونة واسم الكتاب حول الإسلام والتأسلم وممشروعنا النهضوي فهو يستهلك كل وقتي فأرجو المعذرة وكل عام وانت بخير
من جيل الوسط خالد الصاوي

كريم

كل عام وانت بألف خير

عيدكـ مباركـ

عساكـ من عواده ومن العايدين


ليس معنى هذا اني لم اقرأ كلمه كلمه بالموضوع

حياكـ يا اشتياق ،، الله يهدي ويبعد شيطان يحجل بيننا


لقلبكـ بتلات الياسمين يا شيخ


هاله

كريم بعد إذنك

مع إحترامى لوجة نظرك وكل أراء الإخوة الأفاضل والأخوات الفضليات

يا أستاذ عادل يا نجم سيادتك كلامك فيه شىء من التهديد ولا أنا بيتهيألى ؟؟!!!
عمومآ أنا كلامى معاك مش هنا يا أستاذ عادل ، إن شاء الله أشوفك فى إسكندرية يوم 18/10 ولا حضرتك مش هاتحضر الإجتماع اللى فى نادى المحاماة فى جليم الساعه 5 مساءً ؟؟!!
إلى اللقاء يا حاج .

شكرآ يا كيمو لسعة صدرك ومدونتك كمان .

الغالي كريم
كل سنة وأنت طيب وعيد سعيد عليك
ثانياً وحمداً لله على رجوعك مرة ثانية .. بجد كنا مفتقدينك ومفتقدين الحركة الجميلة اللي بتعملها لعالم التدوين بدل هذا السكون اللي عايشين في
المهم .. أنا معاك في كل كلمة قولتها .. إلا في عيد الأضحى طبعاً ..
ومش عايز أقولك مدى دهشتي لما شوفت الصور عند مادز
المهم الحمد لله إن الموضوع إنتهى وكل واحد عرف غلطه وكريم الشيخ رجعلنا تاني
دمت بكل خير

السلام عليكم ورحمة الله وبركاته

الغالية الرئع / كريم

\
\

كل عيدان أضحي وأنتا بخير ويارب يكون عيد السعدعيلنا جميعا وسمحني قالو كل الجمل وأتمني يكون العيد احلي من كل عيد لك تحياتي وتقديري واحترمي
أخوك .. أحمد .. حــوت فـلـسـطـيـن

كل سنة وانت طيب يا كيمو

بص يا حبيب قلبي
انا شايف ودي وجهة نظري

اننا زي ما بنعامل انسان مسلم نعامل انسان مسيحي واي دين تاني

عشان هي دي اخلاق المسلمين

يعني زي ماحرام السرقة عموما من المسلمين فهي حرام من المسيحي ومن اي حد

انا شايف برضة يا كيمو ان فيه حجات اهم نتكلم عليها ,, احنا جيل مش مرفه احنا جيل تايه في وطنه
سواء مصريين او غير مصريين

كل همنا حجات تافهة ودوول معظم الشباب ف احنا عايزن نبقى من القلة اللي تاخد بيد الشباب ومش عايزين هجوم على حد الا لو الحد دة اتعدى حدودة وغلط وبرضة نوقفه عند حده باسلوب جميل ومهذب وفي نفس الوقت اسلوب قوي ويليق بكوننا مسلمين

وكل سنة وانت طيب يا كيمو
Ahmed wenda

شاهد الموقع بعد التعديل
واضافة الخدمات له

دليل المواقع الاسلامية
القران الكريم
فهرس المدونات الجيرانية
زود رصيد حسناتك

http://wenda.jeeran.com

طالما اعتبرت ردى اللى فات سخرية منك فانا محبتش ارد عليك عشان مندخلش ف مشاكل

عموما يا سيدى العزيز يا ريت تقرأ (إنت والمعلقين الكرام) الموضوع ده:
http://youthrights.jeeran.com/archive/2007/10/351340.html

مادز انا فعلا اعتبرت ردك كان فيه سخرية على كلامي
ولكن اذا كنت تجنبته لعدم حدوث مشاكل
فمعتقدش أنه عمره ما هتبقى بنا مشاكل لأني بطبيعتي مسالم ومش بحب اتخالف مع حد حتى الا على قناعة
واعتقد ان الكل ايقن اني لست من محبي المشاكل بدليل ما حدث لي من اهانات من قبل الدكتور بوب وحلفاؤه
اما عن هذا الموضوع الحمد لله اتقفل
وبشكر كل اللي علقوا ع الموضوع ده وكان نتيجته النهائية هي حل خلاف بين عادل نجم ومادز
لتصفى النفوس من جديد
علشان كده يا ريت محدش يعلق ع الموضوع ده تاني ولأبدأ من اليوم حياتي التدوينية من جديد بشكل جديد
انتظروا مقالي الجديد على مدار الساعات القادمة