الغالى كريم
ربنا يستر عليك إنت كده بدأت فعلاً تكتب نهيتك .. هو أبو جمال لأن علاء طيب
بس بجد خلتنى كنت هموت من الضحك أنا وماما اللى لسه عماله تضحك لحد دلوقت .. بس ياريت يا كريم المرة اللى جاية تكتب إسمى معاكم علشان ناكل عيش وحلوة مع بعض .. لأنى نفسى أخوض تجربة الأعتقال السياسى .. وأتذوق سلوما الأقرع على رأى الأستاذ نعمانى .. سلملى على فريق العمل لأنهم فعلاً فنانين
دمت بكل ود

ههههههههه شكرا يا محمد وفعلا هما بيسلموا عليك وعلى كل المدونين واتمنى انه والدتك بجد يكون عاجبها ويبقى خليها تعمل لنا اكلة سمك واحنا في المعتقل

بسم الله الرحمن الرحيم
كريم يا أبني ان كان نفسك تزور المعتقل
نعملوا كلنا رحله جماعيه وناخد لأصحابنا المعتقلين أيس كريم من كريم
بس بلاش كريم جميله كريم الحلقه الاولى
أمتى والنبي الحلقه التانيه والله انا خايفه التالته تبقى تابته ونتفرج عليها في المعتقل ههههههههه
وعموما يا كريم أنا مطمنه لأن علاء مش فاضي بيجمع ويأمن مسروقات وأموال الاسره
الكريمه لأنه ذكي بينظر للأمام لا ينظر تحت أقدامه ونحن تحت الاقدام
جميل كريم يوفقك الله دائما بخير

مستعجلة يا نسمة عاوزة تشوفي التانية علشان تيجحي التالتة وتبقى تابتة ونقع في الحديد متقلقيش احنا اجلنا 9 دقايق علشان كان شكلنا هيبان وكفاية الفضايح اللي كلنا منها
وخلي علاء في حاله يا نسمة مش هتيجي عليه

اخويا كريم /
بجد انا اتخنقت من الكليب ده لانو مش بيشتغل عندى لا هو ولا غيره
بيقولى loading بعدها يستهبل ولا كانو اخد الـ order اصلا اتصرف بقى
علشان انا لازم اشوفوووووووو
اختك عليا

بدأت تخبط في الحلل
يا عمنا

بص يا محمد
كدة انت بتتعدى عليه وبجد خايف عليك
لأن ال ip بتاعك متسجل لو حد بلغ واتشاف حيشدوا صاحب التليفون او يدوروا عليك بما ان ورقك مكشوف واسمك مكشوف

خللي بالك من نفسك
انقد بس بتعريض وليس ع المفتشر

في موضوعات جديدة اتمنى ان تظورها وتقوللي رايك
www.wenda.jeeran.com

انا اولا مشفتش الكليب
ثانيا انا معرفكش
سلام
حرام عليك
ح ازورك تاني بس احضر العيش والحلاوه
والايس كريم

لا أعرف كيف وصلت إلى هنا ....... بالصدفة ........
لكني سعيدة جدا بهذه المدّونة الحّرة .......

الصوت عالي ...... والأرواح حّرة .....
والفيديو بيعكس مأساتنا ......

رائع ...

أخي الغالي كريم ..
هذه سياسة أمريكية والله العظيم .. اللي صاير في البلاد العربية شي غير شكل .. شوف احنا شعب بحاله شو صار فينا لأننا اخترنا حكومتنا على مزاجنا مش مزاج أمريكا .. بكرة يفتحوا الحدود على بعضها وينفوك لغزة بتستاهل ..
ما باعرف يا كريم شو آخرتها مع هالأمريكان بدهم يخلونا نركع غصب عنا ..
ياعمي ما بنحب الهامبورجر تبعهم احنا بتوع الزيت والزعتر وأنتو ؟ لسه العهد مع الفول والطعمية قائم والا شو ؟
مساكين يالمصريين صرتو شي وسبعين مليون نسمة ماشاءالله يالله تاعوا لعندنا خلينا نروح بالملايين عالقدس والله بنحررها ..
تحياتي لعروبتك المنتفضة على الطغيان ..
ربنا يحميك ويحفظك ويطلعلك وينصرك على كل من يعاديك ..

انا ماشفتش حاجه.
مافيش حاجه بتظهرلى بيعمل معايا زى اختى علياء. ياترى ايه السبب ؟
وبعدين انا قريت بعض التعليقات
وفهمت انه حاجه ممكن تئذيك بجد بلاش تخوض فى حاجه تضيعك بجد
مش هتستفاد...!!
حاجه خساره بعد الكلام اللى قريته عنك من معلقينك انك تضيع نفسك اتكلم براحتك بس على حدود الامان

نسيت اقولك متشكره ع السؤال
بس انت عارف الدراسه ابتدت وانهمكنا فيها
فمش بفضى كتير
بس عندى موضوع كنت قريته فى منتدى وعجبنى جدااا هنزله
سلام...

صديقى جامد اوكى كريم
بجد فديو هايل بس كده انت بتخاطر بنفسه انت بتقول اعتقال كريم شيخ مجرد توقيع حاسب باه لحسن يبقا بجد ههههههه
اشطه يصحبى لو حصلك حاجه هخلى جامعه القاهره كلها تقوم بمظهر عشانك عشان تعرف انت غالى عندى ادى ايه
ربنا معام يا كيمو
سلام يمان

يا علياء ده مش عيب المقطع ده عيب النت بتاعك

يا وندا العمر واحد والرب واحد وانا مشبخاف الا من اللي خلاقني ولو انت عاوز تبلغ انا مستنيهم

هههههههههه بتبعني يا مستر نعماني قشطات

شكرا بجد يا رولا واتمنى انها متكنش الزيارة الاخيرة

بجد يا اشتياق انا في اشتياق لأن اموت فدا القدس وشكرا لوقفتك الحاسمة والمشجعة

اعتبر ده خوف يا نوفا من اخت على اخوها بس بجد انا زي غيري كتير بتكلم وبقول حاجة نفسي اقولها

ربنا يوفقك يا نوفا في دراستك

قشطة يا بيدو على تعليقك الهايل ده ومتخافش عليا

أخي كريم :
بيتهيألي أفورت المرادي .. شوف يا كريم .. انقد زي ما نت عايز .. واتكلم كمان زي ما يعجبك مادام نقد بناء الهدف منه الصالح العام ..
لكن انك تعمل من رئيس بلدك هذا التهكم وهذه السخرية .. ده بجد يزعل ما يفرحش ..
فيه مثل بيقول أدعي على ولدي وأكره اللي يقول آمين ..
انت فيك تهور لذيذ واندفاع شباب .. لكن بلاش السخرية ..
ده رأيي .. ولأني بحبك وبحب كتابتك .. مش عايزاك تقع في الغلط ..
يارب ما تزعل مني .. وتفهم قصدي ..
سلام يا متهور بالقوي ..

>,

إنهم يهدمون أولى القبلتين و مسرى سيد الثقلين فما انتم فاعلون
..
نداء لكل المدونين العرب و المسلمين و كل الحريصين على الحق في هذا العالم الى الانتفاض من أجل الاقصى الجريح

يا مدونين...يا أحباب الأقصى و الحق ندعوكم الى يوم تدويني لأجل أقصانا المبارك و ذلك بإدراج تدوينة موحدة يوم الجمعة 16 فبراير 2007


للمزيد من التفاصيل اليكم الروابط التالية
http://arttige.jeeran.com/awra9/archive/2007/2/157015.html

http://www.lachyab.jeeran.com/

نعتمد عليكم

الاخ كريم
لا اعرف لماذا موضوعك لا يفتح عندي لكني افهم من التعليقات ان هناك سخريه
وانا اضم صوتي لصوت الاخت ماجده سليمان
ليس خوفا عليك فقط (فانا بالطبع اخاف عليك)
لكن لا للاستهزاء فكبيرنا هو كبيرنا
هو اب لنا حتى يترك منصبه
من الممكن نقض السلوك لكن ليس من المقبول الاستهزاء
شكرا اخي

ايه ياعم ده
انت عاوز تزور السجن ولا ايه
ابقى قلى فى سجن ابوزعبل ولا غيره
عشان استناك فى برنامج خلف الاسوار
ياعينى الواد بيعط
امنياتى لك ياصديقى بالتقدم ان شاء الله
تحياتى وحيد

بعد السلام
........

عذرا محمد حسن
عذرا نسمة أحمد
عذرا علياء شكر
عذرا ويندا
عذرا نعمانى
عذرا رولا
عذرا اشتياق
عذرا نوفا18
عذرا ماجدة سليمان
عذرا رحيد
وعذرا لكن من يأتى بعدى..

أولا: كريم أنا كنت ممتنع عن التعليق على مقالك عشان متزعلش من كلامى لأنى أختلف معك .. لكن بعد ما حطيت البانر اللى بتقول فيه "مجرد توقع .. اعتقال كريم الشيخ" .. فأنا هعلق.

ثانيا: لما تختلف مع حد يبقى تنقد أفكاره وتنقد سياسته مش تنتقد شخصيته بالشكل المزرى ده .. وده مش أسلوب كويس خالص يا كريم .. عشان زى ما النعمانى قالى إنك لما تهين رمز دولتك يبقى بتهين وطنك ونفسك.. كمان عشان مش معنى انك مختلف معاه يبقى تسيب كل حاجة وتروح تعمل كليب تريقة عليه .. لما تختلف مع حد انقده وقول رأيك ووصل فكرك للناس وإقنعهم بوجهه نظرك.

ثالثا: أظنك لا تقبل لو تختلف معى فى مرة مثلا .. فأقوم عاملك كليب على أغنية "أقوم أقف وانت بتكلمنى" .. أسيب كل حاجة بقى وأعملك كليب .. كده يبقى أنا بهينك دى اقل حاجة .. تانى حاجة ابقى مش قادر ادافع عن وجهة نظرى .. تالت حاجة عاوز أعمل زيطة ع الفاضى .. رابع حاجة .. مش هكسب تعاطف حد.

رابعا: بعد ما حطيت البانر ده .. انت لو اعتقلت فعلا هتبقى ضحية .. بس عارف ضحية ايه؟ ضحية نفسك ..عارف ليه .. لانك ضحيت بنفسك عشان تعمل حاجة تعمل بيها دوشة والسلام .. دقدر تقولى لو اعتقلت فعلا هتبقى عملت ايه ؟ .. ولا حاجة .. لا وصلت فكرك للناس ولا غيرت شئ .. وساعتها مفيش حد هيدافع عنك يا جميل .. لأنك ببساطة أخذت الموضوع تريقة وولا قلت حاجة ولا اقترحت طريقة نحل بيها مشاكل مجتمعك مثلا.

خامسا: صدقنى يا كريم .. بلاش تكون فرحان قوى كده وانت عامل بنر بتقول فيه ان اعتقالك متوقع .. يا ريته كان هيبقى مثلا على انهم بيصادروا فكركك أو بيسكتو صوتك العالى .. لكنه على كليب لا بيقدم ولا بيأخر سايب كل حاجة وبيتريق وخلاص !! .. إنت كده بتتكلم ف الفاضى ..

سادسا: افتكر يا كريم وانت بترد عليا .. ان ليس معنى اننى لست معك فأنا ضدك..واوعى تزعل من تعليقى .. دة رأيي مش اكتر.

ويا ريت تفكر فى الأمور بموضوعية شوية و
تخلى تعلية صوتك لحاجة تفيد بيها م

انت فين يا كريم بقالك يومين ..
اوعى تكون ؟
لا مش معقول .. اوعى يا كريم ..
مختفي فين ؟
طمنا عليك .. تقبل تحياتي

يسرني أن أحط الرحال بمدونك لأرتع من معين نصوصها
و استفيد من بديع مقالتها و حسن معانيها و تراكبها...
فهنيئا لك ما حباك الله به
من جميل الإبداع
و سلاسة الأسلوب
ورونق التعبير.
أخوك في الله
ابن الأطلس

أخى العزيز كريم
ارجو أن تأخذ تعليق الأخت ماجدة سليمان والأستاذ النعمانى ومادز بصدر رحب وأن تعمل به .. لأنى فكرت فى كل كلمة قالوها ووجدت فيها الصواب
دمت بكل خير

كريم انت فين
قلقت معلقينك بجد
اوعى فعلا تكون كما انت توقعت000
انا متفقه الى حد كبير مع مادز فى كلامه وان كنت مازلت لم ارى الكليب
يريت تطمن اختك نوفا

أخي كريم :
بيتهيألي أفورت المرادي .. شوف يا كريم .. انقد زي ما نت عايز .. واتكلم كمان زي ما يعجبك مادام نقد بناء الهدف منه الصالح العام ..
لكن انك تعمل من رئيس بلدك هذا التهكم وهذه السخرية .. ده بجد يزعل ما يفرحش ..
فيه مثل بيقول أدعي على ولدي وأكره اللي يقول آمين ..
انت فيك تهور لذيذ واندفاع شباب .. لكن بلاش السخرية ..
ده رأيي .. ولأني بحبك وبحب كتابتك .. مش عايزاك تقع في الغلط ..
يارب ما تزعل مني .. وتفهم قصدي ..
سلام يا متهور بالقوي ..
***********
الغالية ماجده سليمان بعد سلام الله عليكي
في البداية أنا لم اغضب مما قلتيه لأني أعلم جيدا انا ما قلتيه خوف عليا
ولكن أنا لم أوؤفور في هذا المقطع ومن الواضح أنكم سبته المضمون وإتكلمتوا عن نقطة حابين تنقضوها فينا وأننا عملنا مقطع بيهين رئيس الجمهورية
طيب ما تدخلي اليوتيوب وشوفي اللي فيه
إن كنتي هتقولي انت غير الناس
اوكي انا غير الناس وفعلا انا عملت حاجة غير الناس وانه كل اللي عملوا مقطع فيديو او برنامج زي ده بيتكلموا عن الرئيس مبارك تحديدا كسخرية كما تقولين
ولكن اعذريني لو أنتي قررتي التعليق كناقده صحفية لصحفي هتعرفي انه في حاجة كل الشعب المصري بيتكلم فيها
وهي توريث الحكم
نعم توريث الكرسي لجمال مبارك
لهذا البرنامج كل هدفه توضيح نقطة واحدة انه جمال هيمسك غصبن عن اهالينا ورجله فوق رقبتنا
ولما يمسك هيقعد على انفسنا زي الريس ده المقصد والمغزى من المقطع علشان كده انا مأفورتش ويا ريت تشوفي مقطع الفيديو بتاع الشخص اللي بيقلد الريس أنا مقلدتش حد
والصور دي مش انا اللي املها
احنا جايبينها من مواقع ومركيبنها ومركبين الصوت بس ليس إلا
أنا شايف انك هاجمتيني وأنا مزعلتش ومتضايقتش انا فعلا عندي شغل وكنت بعرف اخبار المدونة عن طريق اصحابي

مزهة شكرا لتعليقك وفعلا انا في الطريق اليكم

الاخ كريم
لا اعرف لماذا موضوعك لا يفتح عندي لكني افهم من التعليقات ان هناك سخريه
وانا اضم صوتي لصوت الاخت ماجده سليمان
ليس خوفا عليك فقط (فانا بالطبع اخاف عليك)
لكن لا للاستهزاء فكبيرنا هو كبيرنا
هو اب لنا حتى يترك منصبه
من الممكن نقض السلوك لكن ليس من المقبول الاستهزاء
شكرا اخي
*******
مستر نعماني أغضبني تعليقك مش لأنك إنتقدتني لأ
لأنه أنا مش متوعد انه النعماني يعلق على موضوع ميكنش شافه
مستر نعماني ملخص الفيديو
اغنية لأحمد عدوية مركب عليها صور كل التعبير والمقصود إنه الواد شبه ابوه اي انه جمال مش هيجيب من بره
وانا شايف اني مغلطتش

ايه ياعم ده
انت عاوز تزور السجن ولا ايه
ابقى قلى فى سجن ابوزعبل ولا غيره
عشان استناك فى برنامج خلف الاسوار
ياعينى الواد بيعط
امنياتى لك ياصديقى بالتقدم ان شاء الله
تحياتى وحيد
*********
الغالي وحيد أعيش مسجون ولا إني أطاطي وأطاطي وأقول انا في الحزب الوطني الديمقراطي
وأمووت وأنا في السجن أكرم لي من \اتي متكلمش

الغالي مادز
قبل أن أعقب عليك فما قلته كأنت من تعليق كلمة حق أن تراها وكذلك أنا لي كلمة حق لابد أن تراها وأن تعيها جيدا
الرد
أولا: البانر بتاع مجرد توقع مخطوط بقى له شهرين وكنت متوقع اعتقالي علشان أنا كنت قايل خبر عن أيمن نور
ثانيا : أنا لا أختلف مع مبارك ( رئيسي غصبن عني مش بمزاجي ) في المبدا لأنه مش جوز أمي علشان أكرهه الفكرة كلها مبنية على التوريث ووجهتنا أنه لو جمال مسك الحكم مش هيختلف عن ابوه كتير

الغالي مادز
قبل أن أعقب عليك فما قلته كأنت من تعليق كلمة حق أن تراها وكذلك أنا لي كلمة حق لابد أن تراها وأن تعيها جيدا
الرد
أولا: البانر بتاع مجرد توقع مخطوط بقى له شهرين وكنت متوقع اعتقالي علشان أنا كنت قايل خبر عن أيمن نور
ثانيا : أنا لا أختلف مع مبارك ( رئيسي غصبن عني مش بمزاجي ) في المبدا لأنه مش جوز أمي علشان أكرهه الفكرة كلها مبنية على التوريث ووجهتنا أنه لو جمال مسك الحكم مش هيختلف عن ابوه كتير
ثالثا : لو انا اختلفت معك وعملت لك كليب قوم اقف وانت بتكلمني يبق انا متخلف لأنه هنا عداء فردي وليس جماعي ولكن كم من المصريين يحاربون من \اجل التغيير ، أما عن ضعف وجهة نظري بالله عليك ده الاعمى شايف الظلم انت مش شايف الظلم ، أما عن اني عاوز اعمل زيظة فمأظنش من جيران ممكن أعمل زيطة لأنه لو عاوز اعمل زيطة انا كنت ممكن دخلت في حركات معارضة او كونت حركة معارضة وكنت خرجت في الشارع وبإتصالاتي اجيب كام صحفي و كام قناة وأقول نحن هنا ، والف واحد هيجي بس انا بعبر عن شعور داخلي
رابعا : إنت كنت عاوز تقول بعد ما حطيت البانر ده لو اعتقلت انتي هتستاهل الاعتقال بس قلت نخفف العقوبة شويتين
أما عن الدفاع عني فبجد يا مادز أنا لست في حاجة للدفاع عن كلمة حق اقولها بصراحة دون خوف أما عن اني اخدت الموضوع تريقة فربما لأنك نظرت لما قالته ماجدة سليمان أو إنك مشفتش المقطع شوفه كويس وإعرف مغزاه و بعدين انا صوتي اتنبح من كتر الكلام قلت ممكن المقطع الناس تفهم حاجة وقلت انه الرؤية بتأثر على العقل أكتر
خامسا : كل ما أقرأ كلمة بلاش تفرح انه مجرد توقع اعتقالك أعرف إنك مش بتدخل مدونتيس خالص ورويئتي بتوضح إنك أخدت الكلام مما الته ماجده سليمان
سادسا : لم أترك لفكري لحظة واحدة أن يفكري في أنك ضدي ولكن كل ما فكرت فيه أنك زائر جديد لمدونة علي صوتك
سابعا : أظن إنه من الموضوعية أنه مفيششعب يتحكم اكتر من 25 سنة ولسه هفكر بموضوعية
متزعلش يا مادز ولكن لولا اختلاف النظرات لماتت الحشرات

انت فين يا كريم بقالك يومين ..
اوعى تكون ؟
لا مش معقول .. اوعى يا كريم ..
مختفي فين ؟
طمنا عليك .. تقبل تحياتي
*********
الغالية ماجده بجد على الرغم من انك فتحتي عليا بوابة من الانتقادات الا اني سعيد بجد لإنكم بتحبوا البلد دي

شكرا يا بن اطلس على كلماتك الجميلة والنمتكرره في كل مدونة

محمد انا لم ولن اعترض فيما لوه وبالفعل أخذته بصدر اكثر من رحب ولكن لساني لم يعجز عن الكلام وقمت بالرد عليهم ليس تجريحا فيهم فهم اخواني واخواتي
بل لإعتباري ان حق الرد مكفول ولو حد منهم قال لي تعليق انا هبقى سعيد

نوفا عمر الشقي بقي ومتخافيش عليا حتى لو اعتقلت هحس اني راجل ومش خايف

صباح الخير كله يا كيمو..

أول حاجة يا سيدى .. أحلى حاجة عملتها إنك مزعلتش منى ..

وأوحش حاجة ايه؟

1- مش عشان ما أخدش بالى م البانر دهيبقى أنا زائر جديد زى ما بتقول .. إنت ما شاء الله أكتر حاجة عندك البنرات .. ربنا يكتر يا سيدى!

2- حتى لو الشعب كله مش عوزة زى ما بتقول .. أظن مش دى الطريقة المناسبة لرفضه .. "ده من وجهة نظرى الشخصية"

3- لو تفتكر فى اللقاء كنت قلتلك كلمة يشهد عليها 13 واحد غيرى وغيرك .. كنت سألتك "ليه وأنا فى مدونتك بحس إنى بقرأ جريدة الدستور؟"
معنى كده يا كيمو إنى بقرأك من قبل اللقاء بكتير .. وإلا مكنتش كونت وجهة نظر كاملة عنك .. بغض النظر عن إجابة السؤال ده ، مكنتش أحب تقولى زائر جديد .. كنت قول "صاحب بيت" أفضل !

4- على فكرة مش معنى إن الاستاذة ماجدة سليمان علقت قبلى يبقى انا متأثر بكلامها .. هات أى واخد ماشى فى الشارع وقوله هات الكلمات المتشابهه بين التعليقين .. هيلاقى إن أنا بتكلم فى طريق وهى فى طريق تانى .. بيتقابلو فى نقطة واحده وهى محاولة تعديل وجهة نظر مش أكتر.

5- وعلى فكره .. مش بإيدى أخفف عقوبة عن حد .. ربنا وحدة هو اللى يقدر على ده.

6- سوء فهم..

7- كل سنة وانت طيب

8- أتمنى الموضوع يكون انتهى.

9- خلاص :)

(على فكرة .. الارقام مش بالترتيب :) )

أخي كريم :
سعيدة بأنك بخير .. أنا لم أفتح عليك أي انتقادات .. أنا تكلمت من وجهة نظري البحتة ..
(كل ما أقرأ كلمة بلاش تفرح انه مجرد توقع اعتقالك أعرف إنك مش بتدخل مدونتي خالص ورويئتي بتوضح إنك أخدت الكلام مما قالته ماجده سليمان)
لا أدري لماذا ربطت بين تعليقي وتعليقات الآخرين ..
أخي كريم .. مادز اتكلم في نقاط كثيرة ..
منها بانر توقع الاعتقال ..
أنا لم أتكلم سوى في شيء واحد .. ربما أكثر ما استفزني في الكليب هو صورة جمال كدراكولا ..
أخي أنا لا أتفق معهم .. وكتبت الكثير من الأشعار التي تعبر عن رأيي ..
مثل .. هفضل حمار وما تكلمش ..
وحبيبتي توبها انقطع .. وآه يا بلد .. وفي بلاد الواق الواق ..
المهم أنني فيهم أتكلم عن وقائع وأنقد تصرفات .. ولا أسفه أو أسخر من أشخاص ..
ربما يكون تحفظي على الكليب بسبب اختلاف الأجيال .. فأنت شاب وتجد نفسك في هذا الاندفاع ..
أخي .. الاختلاف للرأي لا يفسد للود قضية ..في انتظار المزيد والجديد ..
دمت لنا وتقبل تحياتي .. يا كريم

اخويا كريم / , جيرانى الغالين /

اولا كده انا شايفه ان الحوار كبر من غير داعى و النقض كلو كان على اساس ان كريم بيسخر بهدف السخريه , بس بيتهيالى كلنا عارفين كريم و عارفين هدفو كويس جدا ,

و بعدين حاجه بسيطه اوى اللى هدفو السخريه من الكليبات دى بيقدم فيها فكره؟ - لاءه طبعا - .

يبقى الموضوع كلو من اولو لاخرو سوء فهم

و بعدين معتقل ايه يا جماعه اللى بتتكلمو عنو ده فككو من الحوار ده بقى لان حتى لو كان المسؤلين بيشوفو الكلام ده مش هيعملو حاجه

لسبب بسيط اوى .. لانهم عارفين الشباب و حماسهم فيقولو : ياعمى دول شباب و بيتكلمو و كلامهم مش هيغير كميه الفسااااااااد دى كلها .
علشان هما اكتر ناس عارفه مصايب البلد .

يعنى الموضوع ابسط من كده بكتير و ميستاهلش القلق اللى حصل ده كلو

ده رأيى و بس

أخى الكريم / كريم الشيخ وإخوانى فى عللى صوتك

تحية من عند الله مباركة ،،،،،،،،،

أولآ أعتذر عن تأخيرى فى متابعة المدونة ، ثانى لى رأى حر أحب أعبر عنه .
أنا عن نفسى أوافق كريم فى الكليب اللى عمله هو وأصدقائة وهاقولكم ليه .
أنا مواطنة مصرية وإنتم كمان ، وكلنا عايشين فى بلد تعدادها إلى هذه اللحظة 72 مليون ، وبيحكمنا بابا حسنى من 25 سنه ، باع فيها ثلاثة أرباع البلد لليهود وكلنا عارفين وفاهمين وحاطين راسنا فى الرمل زى النعامه .
أنا واحدة من الناس ( كنت ) بحب حسنى مبارك لكن العملية باخت وطولت قوى والسرقة بقت عينى عينك منه ومن علاء إبنه .
طبعآ كلنا فاهمين الكلام دة كويس وعارفين إن الباشا الصغير داخل فى كل حاجة فى البلد .
بلدنا مليانة فلوس لكن فين الفلوس دى ؟؟؟!!!!
الشباب أصبح عاطل ومش لاقى يتجوز وبقى فيه تحرشات عينى عينك ، واللى يقول لا إله إلا الله يدخل المعتقل .
المعتقلات والسجون مليانة شباب ، وبتهاجموا كريم وأصدقائة على الكليب ؟؟!!!
بصراحة دة أقل واجب كريم يعملة هو أصدقائة ، ولو أنا ممكن أساعدهم بشىء مش هاتأخر أبدآآآآآآآآآ .
وعلى رأى كريم الشيخ ،،،،،،،،
( أعيش مسجون ولا إني أطاطي وأطاطي وأقول انا في الحزب الوطني الديمقراطي ) .
والله إحنا إتخنقنا من البلد واللى بيحكم البلد واللى عاوز يحكمها بالوراثة .
يا ريت محدش يزعل منى أنا بجد بحب مصر لكن بكرة اللى بيحب نفسه وعايش علشانها وبس .
دمتم فى حفظ الله وآمنه .

بعد اذنك يا كريم
هاقول كلمه لايمان :
انتى سكره فعلااااااا
سلاموز بالموز يا احلى فراولايه

الغالي مادز
الإختلاف في الرأي لا يفسد في الود قضية
تعقيبا على ما قت
1 - انا فعلا عندي بانرز كتير بس اللي ضايقني انك كنت بتعلق على حاجة واحدعه فقط وهي انك بتعلق على اعتقالي وسبت البرنامج
2- مادز انا عارف جيدا انه مش دي الطريقة اللي ممكن بيها يسيب البلد واني مش ساحر وبالبرنامج ده هفك عقدة ابليس بس الحقيقة اني قلت انه زوار مدونتي زهقوا من كتر الكلام واختلاف طريقة العرض بتجذب القارئ وده مش عيب اننا نعمل مقطع فيديو في حاجة جديدة يسهل على القارئ فهمه اما المدون فيفهم مغزاه ولكن الواضح انه بعض القراء فهموا مغزاه
3 انا عارف يا مداز انك بتقرأ لي من زمان زي أنا بقرأ لك من زمان لكن يا مادز انا كده بوفر لك 2 جنيه بتشتري بيهم الدستور
4- يا مادز انا عارف انك بتتكلم في شيئ وماجدة بتتكلم في شيئ بس انتوا مش بتنتقدوا انتوا بتواجهوا وبتهاجموا
5- طبعا ربنا مسبب الاسباب ولو مكتوب لي الاعتقال انا مش معترض لأني مش اول ولا اخر واحد هأعتقل
اخيرا كل سنة وانت طيب

الغالية ماجدة سليمان قبل الكلمة بتاعت اختلاف الاجيال كنت بحسبك 25 ل30 سنة بالكتير واتغيرت رسمتي عنك بس مش للأحسن أو الأوحش
اما عن الإندفاع فإحنا شبتاب وعندنا حماسة اندفاعية بس والله كل قصدنا في شبه ابوه انه هيكون زي الحاج في كل حاجة اما الدراكولا مش احنا اللي عاملنها احنا مركبينها بس

ههههههههههه مش عارف اقول لك ايه يا عليا لخصتي الحوار في ثانية

شكرا لتعليقك يا ايمان وان كان جه بعد احباط شديد بجد انا حسيت اني غلط في الرسول صلى الله عليه وسلم
بجد والله يا ايمان كل قصدنا نبسط الامور ونعرف البشر انه الوريث زي ابوه مش هيتغير وهناخده سواء بمزاجنا او غصبن عننا

أخي كريم :
الغالية ماجدة سليمان قبل الكلمة بتاعت اختلاف الاجيال كنت بحسبك 25 ل30 سنة بالكتير واتغيرت رسمتي عنك بس مش للأحسن أو الأوحش
الأوحش ليه يا بني ؟
كبر دماغك .. أنا عمري 44 سنة .. أكبر أولادي عنده 20 سنة تقريبا ..
ليه فكرتك اتغيرت للأوحش .. العمر ده مراحل بيخطيها الإنسان ولكل مرحلة حلاوتها .. وبيفضل الكاتب شاب لأنه بيعيش بطل كل قصة بيكتبها ..
دمت لنا وتقبل تحياتي

أستاذه ماجده لماذا كلمتي تجرحك
انا كل قصدي اني اقول انه صورتك في خيالي بعد ما كنتي شابة فتاة اصبحتي سيدة ولكن احببت ان اوضح ليست تغير الصورة في بالي بالأسوأ أو الأحسن إنما تغير صورة من فتاة الى سيدة فقط وانا قد ابن حضرتك الكبير

أخي كريم :
أنا عارفة ان عمرك قد أكبر أبنائي .. وحبيت أقولك عمري بالضبط ..
لأؤكد أن اختلاف وجهات النظر نابع من هذا الفارق العمري ..
تعرف إنهم وصفوني بالاندفاع لما قلت هفضل حمار وما تكلمش في معرض الكتاب وتخيل البغض إنه سيتم القبض علي لما تحمله من حقائق ..وإسقاطات..
أخي ربما يكون هدفنا واحد وهو مصلحة البلد دي .. لكن لكل واحد طريقته في التعبير .. أخي الكريم .. كلمتك ما جرحتنيش زي ما انت فاكر .. لكن أنا حبيت أهرج معاك ..
بالعكس أنا بحبك زي أحمد ابني ..
دمت لي وتقبل تحياتي

بسم الله الرحمن الرحيم
أسفه أخي العزيز الغالي كريم الشيخ
تعليقي هذا جاء متأخر يا جيراني يا من تنقدون كريم في تصرفه والتشنيع بحاكمه والتريقه التي لا تثمر منفعه أنتم مع احترامي للجميع لن تقلوا عنه في الخطأ بل تفوقه عليه لأنكم تنقدوه وتعملوا نفس الغلطه تلك التوجيهات كانت ممكن تتوجه لكريم من خلال الياهو فكلنا نعلم جيدا أنا جميعا على اتصال ببعضنا من خلال الياهو نتصل بالاخوه وتبادل الرأي
وبيننا كل الحب والود والاحترام رغم ان توجيهكم لكريم بشكل محترم وغايه في الادب لكن يحق لكم النقد من خلال تعليق ان لم يكن عند كل واحد منكم اميل كريم
أشكركم
دائما على الود والحب والاحترام تلتقي الجيران

شكرا ليك يا استاذه ماجدة وبجد انا سعيد بكلامي معاكي واتمنى انه وجهات النظر تقترب

شكرا يا نسمة على تعليقك وان كان جه متأخر الا انه جه بس انا مش زعلان من حد والله بس اللي زعلان عليه انه حد يكون زعلاني مني

بسم الله الرحمن الرحيم

أخوكم فى الله قلب الدين

أهنئكم على هذه الشجاعه الفكريه
وأدعوى الله أن يثبت قلوبكم على الحق

تحياتى وتحيات أخوانى فى مجلس شورى المجاهدين فى الشيشان(تمويل)
للتواصل
www.qoqaz.com

in the name of allah
اللهم ثبت قلمبكم على كلمة لا إله إلا الله
إن هذا العمل غايه فى الجمال
أرجوا منكم إنتاج مقاطع جهاديه مع هذا النوع من المقاطع التحريريه
أخوكم فى الله المسئول الفنى فى إذاعة طريق الإسلام على الإنترنت