اوكى يا كريم احنا مستنين

اختك و صديقتك

عليـــاء شكر

كريم اول حاجه بس عايزه اقولها

انى لما قولت ان انتا ياريتك ما جيت و السبب انك كنت رخم معايا ده كان تهريج و انتا اكتر واحد عارف الكلام ده

صح ولا لاء ؟

و حتى لو كنت رخم بجد ما انتا عارف يعنى انا عمرى ما بزعل منك مهما عملت , و لو كنت انتا اللى زعلت من انى اختارتك فى السؤال ده انا بجد بجد اسفه بس و الله كان من باب التهريج و انى افك روح الخانقه اللى كانت مسيطره على الاجتماع دى

اما موضوع ان مادز سأل جينا عن فى ايه بينى انا و ماما و جينا و ردها عليه بإن كان فى خلاف و خلص خلاص ,
فأنا مش هتكلم غير فى اللى يخصنى و اللى اعرفو ,

جينا كانت زعلانه منى علشان مقاله " لن اعيش فى جلباب اى حد "

و دى وجهه نظر مختلفه عنى لانى كنت مقتنعه ان لكل واحد شخصيتو المستقله يعنى مش خلاف شخصى

بس بصراحه انا مش كنت عارفه جينا هاجمتنى فى كذا حاجه - مش لازم اقولها -ليه !

مع انى كنت بتكلم معاها عادى و مفيش حاجه حتى و انا بسلم عليها كنت بسلم عادى بس اتفاجئت بنوع من التجاهل من ناحيتها

و عموما بردو انا مش زعلانه منها لانى مش بحط اى حاجه تزعلنى فى دماغى و بمعنى ادق " كبر تعيش "

و بالنسبه للى حصل بين شوشه و مادز خلاص يا كريم كل حاجه تمام دلوقتى و ما زبادى و فراوله جدا

بجد بجد انا زعلانه على كل اللى حصل و خصوصا الضحكه اللى رجت الامريكين " عليا "

و انتا مادز كنتوا السبب فيها
بس ربنا اللى عارف انى اخدتها بهزار و ضحكت عادى بس اللى جوايا محدش يعرفو
بس فعلا مش زعلانه منك لا انتا ولا مادز لانى عارفه ان ده اسلوبكو و عادى لانكو غالين عليا اوى

اخر حاجه احب اقولها

كل اجتماع و انتو كويسين من غير لا زعل ولا حب للنفس كما قلت

كريم مفيش حد فينا كان انانى او حتى فضل نفسو و قال اسكتو يا هايفين انا اللى هتكلم و تسمعونى

لالالا يا كريم ولا عمرها هتحصل بينا مهما حصل من حاجات صغيره و هايفه ده كلو مقدور عليه

بس اللى مش هايف لما حد يتجرح و محدش يحس بيه يا كريم

عارفه انك ممكن متفهمش انا اصدى ايه لا انتا ولا غيرك

بس فى ناس حرج

كريم قبل كده قولتلى المدونه مدونتك
فاكر؟
انا عارفه انك فاكر
المهم
بما انها مدونتى بقى ,
انا عايزه اكتب شويه رسايل عندنا - ههه-

محمد المهدى :

كنت فرحانه جدا جدا اول ماسمعت صوتك فى الموبايل و انتا بتقولى انك موجود فى القاهره بجد فرحت و ربنا يوفقك فى حياتك كلها

----------------

محمد حسن :

ايه يا محمد بقى ده هو انتا كل مره تعمل نفس الحركه و تقول هتكلك هتكلم و تنفضلنا و مش تتكلم عموما كان وجودك فى اللذيذ

---------------

مادز :

بجد كنت هايل و كان تنظيمك لإداره الاجتماع كان جميل برغم كل شيئ , ربنا يوفقك و يحميك و تفضل جميل على طول

-------------

محمد ابو شوشه :

قصايدك كانت فوق الرائعه بجد بجد و خصوصا الواد اللى قطعتوه - ههه- عجبنى رأيك فى النقد لما قولت فى ناس مش بتبقى عارف كلامها ده مدح ولا ذم لانى لمست الموضوع ده بإديا ربنا يوفقك فى الامتحانات اللى بدأت امبارح دى

-------------

كريم الشيخ :

اخويا و هتفضل اخويا رغم اى رزاله -ههههه- و انا بقولك طول ما فى اللى يستحمل رزالتك رزل بس اول ما تحس انو خلاص جاب اخرو حاول تهدى كلامك معاه شويه
كريم اهتم بالكليه شويه

-----------

النعمانى :

ياه يا عمو على تلقائيتك الجامده جدا دى كانت من الذ الحاجات اللى حبيتها فى الاجتماع و المفاجأه " مروه " بنت حضرتك بجد ربنات يحميها و يخليهالك و يخليك لينا يا بابا

------------

ايمان حسان :

بحب ابتسامتك فوق ما تتخيلى يا ايمان بجد بحب بساطتك و بحب كلام الحنين اللى كان معايا بحب فيكى انك مش بتعرفى تحرجى حد بحب ايمانك القوى بحبك كلك على بعضك يا ايمى

-----------

نبيله غنيم :

مش عارفه اقولك ايه غير انك كنتى الوحيده اللى حاسه بكل اللى كان جوايا ربنا يخليكى ليا

--------------

حسن اسلام :

انتا اعسل حد فى الدنيا يا حسن و سورى انى كل شويه كنت بقولك يا اسلام بس انا عارفه انك مش زعلان يا جميل لانى لما سيبت كل اللى موجودين و اع

على فكره يا كريم التعليق التانى و التالت مكملوش ابقى اتصرف مع مدونتك دى بقى سلام

كان نفسي اجي بس الطيارة الخضرا بتاعتي لسه في البنزينة بتعمل عمرة...
المرة الجايةهههه

كريم تحياتي للقاء الثالث وكل من كانوا فيه بغض النظر عن نجاحه او فشلة
بس انا بسلم على الناس الجميلة اللي جت....
وبدعوك تنور الموضوع الجديد

كريم الشيخ الصديق الغال جدا :

واعجباه ! " لم ينجح أحد "
أراك حقا قاسيا يا كريم
ولكن حتى لا يصبح نتيجة تعليقى أيضا "لم ينجح أحد " سأحاول أم أكون أكثر نظاما وترتيبا " :

1- أما عن قضية الشاعر خضير " لماذا لا نكتب عن الوطن ؟ " أظمما استفدنا منها كثيرا وقد وجهتنى الن الى أن أفكر فى كتاباتى عن الوطن ... وأظن ليس أنا فقط .......

2- الخلافات : كريم هذه الخلافات شء من اثنين .. إما أن تدفع للأمام .. إما أن تعيدنا للخلف ... ما رأيك ؟
لم أقول أكثر من ذلك

3- المقارنه : أسف يا كريم .. لم أجد ما وصفته أبدا ... الكل كان يححمل حب الآخرين ... كانت الموده وكانت المحبه .... لم أجد تجاهلا لأحد ... لم أجد تجاهلا لى أبدا .. وإن كان فأقول أن هذا خطأى أننى لدى فكره ولم أتكلم عنها .. اللقاء لا يوصف إلا " حب سائد .. وتآلف غير معهود "

4- إن لم تخرج من اللقاء إلا بأن رأيت أناسا تحبهم .. فكفى

5- " الشخصيه اللى يا ريتها ما جت "
إعلم ياصديقى أن هذا البند من الإستفتاءات كما وضحت لكم كان هدفه المزاح فقط والدليل " لما إيماان سمعت السؤال قالت : طبعا مادز " والدليل " إنى أخترت نفسى فى هذا البند "
كريم عل صوتك وكبر دماغك ...

6- كثير هم من لم يفصحو عن نفسهم ... و أظن أنن صاحب كلمة" لأ كفايه كده " حين أراد أحد أحباب من جيران أن يعرف من الشخصيه التى لم تفصح عن نفسها ... ل

عزيزي الرائع كريم
صديقي أعنزّ بك

أشكرك أولا على مقالك الجميل ..
بس مش عارف أقول إيه ؟؟

اللي حصل أنا مش عارف كلمة ممكنتوصفه بس المهم دلوقتي إن النفوس صفّت كل اللي فيها من قلق و ....

بس نحاول اللقاء الجاي يبقى أحسن و ننسى كل حاجة حصلت الإجتماع ده !!

و بالنسبة لموضوع عايزينك معانا و ألا لأ .. أكيد عايزينك معانا .. دا إنت كنت منوّر اللقاء

شكرا لك عزيزي

لا بأس إذن ...

سنحاول مرة ثانية وثالثة وعاشرة ...

فالفشل ليس بآخر المطاف . وإن كنا سنتوقف ، لأن كبوة صادفت طريقنا ، فخير لنا أن نضع رؤسنا في الرمال إلى الأبد ..

كريم ..

لقد تحدثتَ بصراحة ، وأنا كذلك سأعلق بصراحة ..
ما حدث لنا كان واردا جدا ، أما أن نهرب ونختبئ فهذا ما ليس بوارد في قاموسي أبدا . حتى لو اضطررت أن أفعل كل شئ وحدي ..

سأكون في القاهرة بإذن الله يوم الخميس القادم . وأود أن أقابلك ..
فما رأيك ؟؟

لن أكون سعيدا يا كريم إن أصبحنا أضحوكة بين شفاه أي أحد ، مهما كان ...

علينا أن نعيد ثقتنا في أنفسنا وفي صداقتنا وفي أقلامنا ..

أم أنك لستَ ترى معي ذلك ؟؟؟؟؟

كريم الغالى
عندما يجتمع المدونون المصريون على مائدة واحدة فبالتأكيد كنا ننتظر من بعض أكثر من ذلك
الكل كان يحلم ويرسم للقاء صورة جميلة ورائعة .. ولكن عندما لم يجد ما كان يجول فى خاطره .. هنا حدث التصادم
إذن فالنمضى الى الأمام ولا ننظر الى الخلف والجايات أكتر بأذن الله
وكفاية إننا شوفنا بعض وسمعنا صوت اشتياق وماجدة سليمان

أولآ وقبل شىء أشكرك يا علياء لكلماتك الجميلة وربنا يعلم إنى أنا كمان بحبك جدآ لشخصك لأنك تستحقى كل الحب غاليتى .

دمت يا لولا بكل ود .

أخى الكريم / كريم الشيخ

تحية من عند الله معطرة ،،،
أولآ يا كريم مدونة مادز إسمها ( كن جميلآ ).
ثانيآ ذهاب جينا وانسحابها من اللقاء نظرآ لظروفها التى نعلمها جميعآ كان السبب الرأول فى نوبة الحزن التى انتابتك وانتابتنا جميعآ .
ثالثآ السؤال المطروح من قبل الشاعر الفاضل محمد خضير على لسان الغالية جينا لم يكن إختبار لأى منا يا صديقى ، بل يجب أن نشكرة لهذا الفكر المستنير بسؤال يستحق وقفة عندة كثيرآ جدآ ، وكذلك كانت الإجابة لمن لدية إجابة فقط ( يعنى سؤال مش إجبارى ).
كريم بجد مقالك عن اللقاء ترك فى نفسى أثر سىء جدآ وأكيد فى نفس كل شخص ممكن يقراه .
ليه يا كريم بتظهر الجانب السلبى فى لقاء عائلى أنا شايفة إنه جميل جدآ ؟؟!!!!
وآشرت فى مقالك بكلمتين ( إثبات الذات وحب النفس ) !!!!!!!!!
دة كلام مرفوض بينا يا كريم ومش صحيح بالمرة وهات أى شخص واحد يؤكد كلامك دة من اللى حضروا اللقاء .
راجع نفسك يا كريم وبلاش نفهم بعض غلط لإننا أهل وعائلة واحدة من وجهة نظرى ولقائنا مش تضييع وقت .
وفيه تناقض فى كلامك يا كريم ،
الإجتماع الثانى كان كله مودة وصدق وإخلاص
والثالث كله أنانية وكرة وتجمل
والمدونيين القدام استحوذوا على اللقاء !!!!
طبعآ تقصد بالمدونيين القدام اللى حضروا اللقاء الثانى يعنى اللقاء اللى كان كله مودة وصدق وإخلاص !!!!!
وتقصد إية بتجاهل الأعضاء اللى أنا منهم ؟؟!!
مين بيتجاهل مين يا كريم ؟؟!!!
ومن هو أحد العظماء ؟؟؟!!!!
كريم أنا بجد كأنى ماشوفتش مقالك دة ويا ريت تراجع كل كلمة فيه .
أكيد إنت هاتغير فيه حاجات كتير لو قريتة بروح كريم اللى حضرت اللقاء الثانى واللى كلنا نعرف إنه أخ وإبن وصديق بيحب كل المدونيين اللى حضروا اللقاءات كلها .
دمت صديقى فى حفظ الله وآمنة .

انت جرحتنى بشده عندما شوفت هذه المقاله اول لقاء احضره ويكون كده
يبقى انا انسحب من العالم ده واعيش فى عالم تانى احسن اقدر اضحك وابتسم
مش رايح اللقاء وبعدين القى انت كاتب ده
الله يسامحك يا صديقى بجد جرحت مشاعرى بشده
انت بكده سبت للاخرين انهم يضحكو ويقولو المصريين فشلو فى اللقاء

إن أردتم اون أن يكون اللقاء القادم بداية جديدة ، لنقفل الصفحة السوداء المليئة بالخلافات لنبدأ صففحة جديدة مليئة بالحب والتعاون

هذه الجملة الوحيدة الصحيحة في هذه المقالة
اخ كريم الشيخ
الخلافات تحصل دائما ولكننا لا ننشر الغسيل الوسخ
علينا ان نتعلم دائما كيف نحتوي خلافاتنا ان كنا نريد تغيير مجتمعنا نحو الافضل
ارجو اعادة النظر بكل ما قلته وان تكون عضو يحتوي الازمة ويساعد بالحل لا ان نكون نار على بعضنا البعض

اسفة ان كنت تدخلت لكني كأم لا احب رؤية خلافات بين ابنائي وخاصة اذا تم نشرها على الملأ وانت ومادز والدكتةر محمد ووحيد وغيركم ابناء لي اتمنى توافقكم ومصالحتكم والابتعاد عن كل ما يسعد الشيطان
كونو اخوة بالله والتمسو الاعذار لبعضكم البعض

اسفة مرة اخرى

كريم
أقر واعترف الان يا كريم أنه عندما قرأت مقالة ايمان واستمتعت بأراءو بكلمات احمد خيري ومحمد المهدى ومحمد حسن في اللقاء شعرت بضغف بصيرتى .. فهم كانوا اكثر جمالا .. واعترف ايضاً ان ما اعتراني من شعور محبط لا يرجع الي اللقاء نفسه .. فقد كان بداخلي ما يمنعنى من الاحساس الجيد بحضور كل احبائي
والله لو نظرت الي اللقاء بعيون ايمان حسان مثلما نظرت انا الان لكنت كتبت
نجح اللقاء نجاحا باهراً رغم فشل بعض المشاعر في التقاط البهجه
لك كل تقديري يا كريم
أعرف شعورك .. ولكن ادعوك للنظر الي الجانب المشرق .. فقد نجح الشيطان في قلب الحقائق في عيوننا وانا اولكم
لك ودى

صباح امن الدوله
حرالكم ايه يابشر
انتوف حياه والا مشرحه
كله انته جرحتني
وانته ضغطت عليا
ياناس حرام عليكم
انتو عاوزين نتيجه صح من غير اختلاف
انا عاوز اعرف
احنا حاضرين اللقاء عشان
ازيك يا حبيبي
ازيك يادكتور
اهلين ومليون مرحب
وبس
لازم نختلف لنتفق
لازم نفشل لنصل الى النجاح
لازم نعرف ايه الغلط ومش نحاول نصححه
لا لازم نصححه بمحتوله باثنين بتلاته المهم لازم يتصحح
لكنه كله يجيب ضلفها ويقلبها غم ويعملها محزنه
مش صح ابدا
سيبوا الحكايه دي لواحد عجوز زي حلاتي
انتو شباب
من اول ازمه قفلنا وقعدنا ننعي حظنا
فين التصميم
فين الحب اللي يبني
الحب العملي
فين طموح الشباب وانطلاقاته
لو شباب 67 عمل زيكم وقعد واتحسر مكنش فيه نصر ف 73 لوالفلسطيني المبعد عمل زيكم واملي في العوده صفر
مكنش حد يعيش
لو شفنا الدنيا ضلمه تاكدوا ان النور ما بيجيش لوحده
احنا اللي نجيبه
لاننا بنحبه
وبنكره الضلمه
ايه رايكم
تيجي نلطم

عليا انا قريت التعليق الأول وعارف انه قصدك بالجرح لما انا قلت انك مش بنت والاصدقاء ضحكوا
اعتذر حقا

اجتماعات جيرانية مصرية مميزة :
http://blog.jeeran.com/archive/2007/4/191550.html

كريم

لقد اخبرتك فى الهاتف اننى فى غاية الانفعال ولكن رغم قرارى بهجر جيران ووقف التدوين كليا الا اننى مصممة على الرد على مقالك ومناقشتك فى وجهة نظرك ولكن ليس الان طبعا ولكن بعد ان تهدأ اعصابى


ولى كلمة اود ان اناقش اختى العزيزة علياء


علياء انا لم اهاجمك فى اى شيئ ولكن كان لى وجهة نظر اخت اكبر منك ولها تجربتها فى الحياة وفى عالم النت ما يعطيها قليلا من الحق ان توضح لك صورة ما قد تكون غائبة عن ذهنك ولكن ليس بينى وبينك اى خلافات شخصية لا انتى والا اى من الاخوة الاخوات فما يحمل قلب جينا الى اى مخلوق حتى لو اختلفت معه فى الرأى الا الاحترام والمحبة الخالصة لوجه الله عز وجل

وليه وجهت لك هذه الملاحظات وليس مثل ما بتقولى هجوم فهو لخوفى وحرصى عليك وهذا كل الامر ولكن يبدو اننى كنت لابد ان اتبع منطق وانا مالى لديها والدتها الفاضلة هى التى توجهها وماليش دخل
فاعتذر على صراحتى الشديدة التى رأيتها انت انها هجوم وحاشا لله ويعلم الله انها كانت ابعد ما يكون عن هذا

النقطة الاخرى والتى للاسف الشديد لا حد فيكم انتبه لها
ان جينا تمر بظروف اسال الله عز وجل ان لا يمر بها اى مخلوق فى الكون كله ورغم هذا حرصا على فكرتى باجتماع المدونون المصريين ورغبة فى نجاحها وان تكون مثل يقتدى به الجميع اتيت على نفسى وحضرت الاجتماع ولكنى كنت معكم بربع عقلى فقط بينما الباقى مع عقلى فكان مع امى الحبيبة وشعور بالذنب الشديد جدا اننى تركتها وحدها ..

ليس هناك اى تجاهل لك يا علياء ولا لنبيلة بالعكس التجاهل كان من طرفكم انتم وبل كان هناك تحفز شديد فى الكلام مما جعلنى افضل الانكماش حتى لا يحدث اى صدام وبعد الناقش وقت الصلاة انتهى الامر ببساطة
فهذه هى جينا لا تحمل فى قلبها اى مشاعر كره او زعل من اى انسان فقط الحب الخالص لوجه الله

الله أكبر والعزة للإسلام

أخى الكريم كريم ألقاك فى مكان لا يعرفه الجيع

النسيم لا يصله ولا الريح

الأ و هو قلبى أنى أحسست بك وأعرف أن هذه الكلمات هى الحقيقه

وأوكد كلامك بأن أقول بأن الوطن العربى و الإسلامى لا يريد منا المشاحنات بل يريد صفا موحد شيبا وشبانا

ننصره به ونهزم أعدائه

أرجوا من الله جل ّ فى علاه أن يثبت أقدامنا وأقدامكم ضد عدو الإسلام وعدونا اليهود وأريد منكم أن نتفق على يوم شهرى لتنزيل مقال يحشد المسلمين ضد اليهود

ايه يا عم كريم ..
عارف ليه اللقاء ما عجبكش ..
عشان ماجدة سليمان ماحضرتش ..
هههههههههههه
يا عم كفاية انكوا التقيتوا ..
ومن رأيي لو تم الإعداد له تنظيميا ..
ممكن يخرج بصورة أحسن خاصة ان العدد كبر وممكن يكون أكبر كمان وكمان ..
شوف يا صحفي يا همام ..
ممكن كل واحد شغلته ظروفه حتى وهو بينكم ..
وهو ده اللي اداك الشعور ده ..
وبعدين يا عم نمت كويس حد لاقي نومة مرتاحة في البلدي بعد التعديلات الغير دستورية ....ههههههههه
تعالى شوف كتبت ايه في كلب الأمير ..
وبعدين كلكوا ناقشتوا طرح الشاعر محمد خضير عن قضايا الوطن وأنا معظم كتاباتي في قضايا الوطن .. محدش قال فينا ناس بتكتب عن قضايا الوطن ..
يا عم رووووووووووووووووح
روح مدونتي اقرأ كلب الأمير ويا ريت توديها المحور ههههههههههه

بسم الله الرحمن الرحيم
كريم لأ لأ لأ كده غلط
أيه اللى بيحصلكم ده انتم خلاص نسيتم
كل المعانى الانسانيه فى أيه يا شباب خلاص كريم مشعاوز تنافق بلاش تكتب أساسا عن اللقاء يا ناس برجاء كل واحد يراجع نفسه بصدق أنا كل ما أدخل مدونه أخرج منها حزينه ومصدومه فى أيه ؟؟؟!!!!!
أرجعوا لمدونة جينا يمكن تعليقات المدونين العرب تخجلنا من أنفسنا ونعود للنفوس المصريه الجميله

لا يا كريم مش الحرج زى ما انتا فهمت

لان ده انا موضحاه جدا- و عادى ممكن يتاخد على انو تهريج -

بس الحاجه اللى جرحتنى بجد متتكتبش كده علنى ادام كل البشر

انا مش عايزه وجع دماغ لانى لو كتبتها بجد ابقى ناويه على مشاكل و كبيره

اختك : عليا

أخ كريم

تصدق و أنا بقرا كلامك
عرفت أننا قمنا بظلم كبير مارسناه
على القائمين على مؤتمر القمة العربية
عندما نطالبهم بأن يقوموا بإنجاح مؤتمرهم.
فجلسة تضم عدد من الناس و لا مصالح لهم فيما بينهم
و لا ناس تمارس عليهم ضغوط
و بعد هذا كله لا ينجحون في استيعاب بعضهم
و كل واحد يقوم بوضع بوست على البلوج الخاص به
و يبدأ بالندب و اللطم و رمي الكرة بملعب الاخر
و يهدد بالانسحاب و العزوف عن المشاركة و و وو
هذه دلائل تشير لأمر خطير.

يعني و عذرا للصراحة التي قد تؤذي أحداً
أغلبنا و أنا منهم
لا نعرف كيف ننظم أمورنا
و نهتم بالثانويات و ننسى الاساسيات
و نحن ناس لم تعلم سياسة التيم ورك
و العمل الجماعي
و فن الاستماع قبل فن الحوار.

و الان عذرا
عذرا
عذرا
على كلامي

و لكن من رغبتي لكم بالنجاح و أن تنقلوا لنا
هذا النجاح و السرور
أٌقول لكم
ما رأيكم أن يتم تصفية القلوب
و تنظيم أكثر لهكذا جلسات
بحيث يتم مناقشة موضوع محدد
و كما في البرامج الحية في المحطات
المهمة يتم تخصيص ربع ساعة لأي متكلم له
الحق بالكلام و ادلاء رأيه دون ان يقاطعه احد
و هكذا
و لنعلم جميعا ا ن الانا هي مقبرة النجاح
و يد وحدها لا تصفق
وفقكم الله و عذرا لكم لأي كلمة قد تؤذي أي أحد
فمنكم السماح

الاخ العزيز كريم الشيخ
تحية طيبة
تمنايتى لك بالتوفيق
مع تحياتى يوسف

العزيز الغالي كريم ..

صراحة أنا حزينة جدا من أجل مصر .. من أجل من حملتم اسمها ومضيتم بمدوناتكم ..
حينما اجتمعتم كان اجتماع المدونون المصريون وليس اجتماع يحمل أسمائكم ..

زاد نشاطكم لتنجزوا رابطة تدوينية خاصة بكم أيضا تحمل اسم مصر ..

سأخبرك الخبر اليقين الذي بسببه قد فشل اجتماعكم ..
حينما التقيتم عزيزي التقيتم أفراد وليس عصبة مصرية ..
فكل يريد اثبات ذاته ..
لقد كانت مصر ترقبكم من بعيد تنتظر ماذا ستقدمون لها لترتقوا بها عاليا ..
كانت في انتظار لآرائكم واقتراحاتكم كيف تبقونها دوما فوق الجميع ..
كيف ستنقلون وجهها المشرق الى العالم ..

لمصر عليكم كل الفضل ..
ولكن .......

كريم .. لم ألحظ معلقين هنا الا المصريين فبارك الله فيمن تذكركم بكلمة تشد من أزر مصر فيكم ..

أما سبب زيارتي الى هذه المدونة وكتابة هذا التعليق هو شعور تملكني كان له شديد الأثر على نفسي ..
أتيت بشكر وتقدير للأخ المحرر محمد ابراهيم لكلمة حق قد قرأتها له في تعليقه على مقال قضية المبعدين الشهيرة بواقعة كنيسة المهد في مدونة أخي يوسف أحلام صغيرة .. فله كل الشكر والتحية حيث أنني لمست مدى صدق كلماته ونبوعها من قلبه وصدق مشاعره فله كل التحية والاعتزاز .. كما أدعو الله له أن ينول ما قد تمنى فإنه شرف ومكانة لا تضاهى أبدا وهى أمنيتنا جميعا لأنفسنا ولمن نحب ..
أتمنى لكم النجاح والالتفاف حول مصريتكم ومصركم فهى حقا ستجمعكم على الخير والمودة والتسامح ..

كريم ، من الجيد أن يكتب الشخص رأيه بموضوعية ودون مجاملات ، لأن هذا يساعد على تفادي النقاط السلبية في الاجتماعات القادمة .

وفي النهاية أكيد اختلاف الرأي لا يفسد للود قضية.

تحيتي لك كريم ولجميع المدونين الذين حضروا الاجتماع وأتمنى أن يكون اجتماعاتكم القادمة أعمق هدفا و أقل ذاتية .
ما زلتم في أول الطريق ... الواحد بتعلم :)

اعتذر عن تأخري على تعليقات أصدقائي المدونين

سلامك وصل يا وندا

الغالي اخي وحبيب قلبي هيرو
تعقيبا على ما قلت
1- أما عن قضية الشاعر خضير " لماذا لا نكتب عن الوطن ؟ " أظمما استفدنا منها كثيرا وقد وجهتنى الن الى أن أفكر فى كتاباتى عن الوطن ... وأظن ليس أنا فقط .......
******أظن انه لو مكنتش جينا فتحت الموضوع مكناش اتكلمنا وبعدين هو انت ولا غيرك مسافر مئات الكيلو مترات علشان موضوع ولا علشان تلاقي ناس بتحبهم ويحبوك
************************
2- الخلافات : كريم هذه الخلافات شء من اثنين .. إما أن تدفع للأمام .. إما أن تعيدنا للخلف ... ما رأيك ؟
لم أقول أكثر من ذلك
******* رأي إنه إحنا وقفنا نبكي ونهلل دون جدوي
وأنا عاوز أذكرك بنقطة إحنا إتكلمنا فيها وهي الهروب من التدوين ودي اللي ناس كتير عملوها
**************************
3- المقارنه : أسف يا كريم .. لم أجد ما وصفته أبدا ... الكل كان يحمل حب الآخرين ... كانت الموده وكانت المحبه .... لم أجد تجاهلا لأحد ... لم أجد تجاهلا لى أبدا .. وإن كان فأقول أن هذا خطأى أننى لدى فكره ولم أتكلم عنها .. اللقاء لا يوصف إلا " حب سائد .. وتآلف غير معهود "
********* هيرو إذا كنت أنت رأيت ذلك أنا أعتبر تلك مجاملة ظريفة منك
*************************
4- إن لم تخرج من اللقاء إلا بأن رأيت أناسا تحبهم .. فكفى
***** والله في الإجتماع الأول انا إكتفيت بتعرفي عليكم وكنت سعيد جدا لأني لامست بينكم حب وموده وأخوه
والدليل على كده إني قلت للنعماني إني حسيت إنه أبويا اللي مفتقده
وقلت لمدام نبيلة إني حسيت إنها أمي
كفاني حقا أني رأيتكم في صحة وسلامة وكنت أتمنى ذلك فقط ولم أكن أتمنى ولو للحظة ان يكون إجتماعنا إجتماع لتصفية الحسابات
أنا أخطأت أيضا
ولكن أعترف بخطأي
سأكمل تعليقي

5- " الشخصيه اللى يا ريتها ما جت "
إعلم ياصديقى أن هذا البند من الإستفتاءات كما وضحت لكم كان هدفه المزاح فقط والدليل " لما إيمان سمعت السؤال قالت : طبعا مادز " والدليل " إنى أخترت نفسى فى هذا البند "
كريم علي صوتك وكبر دماغك ...
****** هيرو أنا عارف جيدا إنه ده مزاح بس لما مادز يقلبه ويخليه إستفتاء ويقول إنه أنا الشخصية اللي يا ريتها ما جت اللقاء فده مش مزاح في حين إني على فكرة مفيش إلا أنا وعليا اللي مختارين نفسي
فإزاي .؟
****************
6-كثير هم من لم يفصحو عن نفسهم ... و أظن أنن صاحب كلمة" لأ كفايه كده " حين أراد أحد أحباب من جيران أن يعرف من الشخصيه التى لم تفصح عن نفسها ...
********* أنا عارف إنك احد من قال لأ كفاية بس في أكتر من واحد قال نفس الكلمة لنفس الشخص
شكرا ليك يا هيرو وأتمنى متزعلش

الغالي ابو شوشه
الحمد لله انه النفوس صفيت ولكن بينك انت ومادز وبيني انا ومادز وبين جينا ونبيلة وعليا
وعلى عيني وعلى راسي
لكن المدونين اللي حضروا حد فيكم سألهم نفسهم صفيت ولا لأ
هما مش الناس دي ليهم حق علينا برده

الغالي محمد المهدي
كلامك جميل جدا جدا
وانا ايضا لا اتمنى ان نهرب وفعلا انا منتظرك
ولكن انا عاوز اعرف يعني اية مش عاوزين نبقى اضحوكة بين شفاه اي احد
احنا ليه مصرين انه الناس دول اعداء
احنا كلنا واحد ونجاحنا من نجاحهم

محمد كلمتك اخذت ترن في اذناي حتى وصلت عقلي
لأفكر فيها انا بالنسبة لي فتحت صفحة جديده من أول يوم

الغالية ايمان ردا على تعليقك
أولآ يا كريم مدونة مادز إسمها ( كن جميلآ ).
*******أعتذر على هذا الخطأ وذلك بسبب تسرعي
***************
ثانيآ ذهاب جينا وانسحابها من اللقاء نظرآ لظروفها التى نعلمها جميعآ كان السبب الأول فى نوبة الحزن التى انتابتك وانتابتنا جميعآ
***** حقا وذلك كل ما اقصده ولكن جينا اخذت كلامي بمفهوم اخر وكان نصيبي منها اللوم والعتاب
**********************
ثالثآ السؤال المطروح من قبل الشاعر الفاضل محمد خضير على لسان الغالية جينا لم يكن إختبار لأى منا يا صديقى ، بل يجب أن نشكرة لهذا الفكر المستنير بسؤال يستحق وقفة عندة كثيرآ جدآ ، وكذلك كانت الإجابة لمن لدية إجابة فقط ( يعنى سؤال مش إجبارى ).
*** إيمان انا مقلتش إننا كنا في إمتحان
*******************
كريم بجد مقالك عن اللقاء ترك فى نفسى أثر سىء جدآ وأكيد فى نفس كل شخص ممكن يقراه .
ليه يا كريم بتظهر الجانب السلبى فى لقاء عائلى أنا شايفة إنه جميل جدآ ؟؟!!!!
وآشرت فى مقالك بكلمتين ( إثبات الذات وحب النفس ) !!!!!!!!!
***** إيمان أنا مش قصدي أترك أثر سيئ ولا لأ
بس انا عاوز أقول لك على حاجة
إنتوا ليه عاوزين تعملوا زي شورت وفانله وكاب لما الوزرا يضربوا في بعض ويخرجوا قدام الاعلام يقولوا تخطينا جميع السلبيات
كان في سلبيات ولازم نعترف بيها
************************
دة كلام مرفوض بينا يا كريم ومش صحيح بالمرة وهات أى شخص واحد يؤكد كلامك دة من اللى حضروا اللقاء .
راجع نفسك يا كريم وبلاش نفهم بعض غلط لإننا أهل وعائلة واحدة من وجهة نظرى ولقائنا مش تضييع وقت .
وفيه تناقض فى كلامك يا كريم ،
****** إطلاقا مفيش تناقض في كلامي وأثبت لك صحة كلامي شوفي نبيلة غنيم وأبو شوشه كاتبين إيه؟
*******************************
الإجتماع الثانى كان كله مودة وصدق وإخلاص
والثالث كله أنانية وكرة وتجمل
والمدونيين القدام استحوذوا على اللقاء !!!!
طبعآ تقصد بالمدونيين القدام اللى حضروا اللقاء الثانى يعنى اللقاء اللى كان كله مودة وصدق وإخلاص !!!!!
وتقصد إية بتجاهل الأعضاء اللى أنا منهم ؟؟!!
مين بيتجاهل مين يا كريم ؟؟!!!
ومن هو أحد العظماء ؟؟؟!!!!
******* إيمان مش أقصد ا

وحيد من فضلك بلاش تقول الأخرين لأننا كلنا عرب
ده اولا
أما عن فشل الللقاء فده مش ذنبك ده ذنبنا إحنا
والإنسحاب هو أكبر دليل على الفشل

الأم الغالية منى أسعد
كلماتك حقا محرقة ولكن أنا لم اخطأ عندما قررت أن اكتب وأقول ما حدث وأعقب وأعلق وأقول نحن أخطأنا مفيش خلافات بيني وبين أحد أعتذر ولكن ما كتبته ليس نشر لغسيل وسخ إنما حقيقه

أستاذه نبيلة شعور جيد ولكن أنا عاوز أقول إنه انا شايف اني ما أخطأتش في كلمة كتبتها متزعليش مني بس الصراحة راحة
كلمات ايمان حسان على عيني وانا سعيد بيها
بس زي ما كان في ايجابيات كان في سلبيات والسلبيات اكتر

استاذ نعماني انا معاك في كل اللي كتبته وانا مش معترض على الخلافات لأني كنت احد المخالفين أنا كل اللي زعلان عليه إننا سيبنا الإجتماع واصبحنا نصفي الحسابات
اسف

جينا اظن بكده نكون قفلنا صفحة واسف على الفهم الخاطئ بيننا كأخوة

محمد انا لو دخلت قلبك هجيب عواصف معايا
معلش خلي القلب مقفول

أستاذه ماجده فعلا اللقاء كان في احتياج ليكي واتمنى تكوني معانا اللقاء القادم
وفعلا ده اللي كنت مخطط له انا وجينا اننا نلتقي ولكن ظروفها الله يكون في عونها

نسمة
مفيش حاجة مجرد خلافات في الرأي
مش اكتر وانا مش عاوز اسمع حد يقول عرب ومصريين لأننا واحد
ويا نسمة انا شايف انه كان لازم اتكلم واقول انه ده معجبنيش
لكن اني اسكت ومتكلمش يبقى اقفل مدونتي وبلاش ادون

أوكي يا عليا
بس انا شايف انك وفرتي اي شروط من الإتفاق

ليلى أنا معاكي في كل اللي قلتيه
بس الغلط انه كان في تصفية حسابات وده اللي اثر بالسلب على الإجتماع
وانتي كعربية لكي الحق في التدخل وإبدأ الرأي

يوسف شكرا لزيارتك وان كنت عارف انه ليك وجهة نظر وانت اصريت تخفيها او متقولهاش حرصا على عدم النقد

ذلك ع\هو السبب الرئيس الذي من اله قمت بكتابة مقاله عن الاجتماع
شكرا لتوضيحك ولا تحسني اجتماعنا القادم سيكون بداية انتصار جديد

حلا انا سعيد لأنك قدرتي توصلي للي انا عاوز اقوله
وانا دايما بقول
لولا إختلاف النظرات لماتت الحشرات

حلا انا سعيد لأنك قدرتي توصلي للي انا عاوز اقوله
وانا دايما بقول
لولا إختلاف النظرات لماتت الحشرات

لقد سرني و أثلج صدري التعرف عليك، و إنه ليشرفني تبادل الآراء معك...
و للتعرف عليك أكثر، و لتوسيع دائرة الحوار أدعوك لزيارتي على الموقع التالي:
http://amatollah0036.jeeran.com

و إلى أن يتم الاتصال و التواصل... دمت بخير و على أحسن الأحوال.

يعني يعني يعني
لم يكن عليك كتابة هدا المقال لأسباب
المهم يا أخي انا افهمك انك لا تريد النفاق و انك تريد الصراحة وهدا امر جيد و مبدأ سامي اشجعك عليه و لكن هلا توقفت لحظة؟
مادا جنيت من هده المصارحة؟
انت ستقول ان هده الصراحة ستدفعنا الى الامام و تجعلنا نفكر في أخطائنا
و لكن أية اخطاء؟ من أين سيبدؤون دراسة أخطائهم؟
رغم ان كل واحد منكم يحس انه هو السبب الا أن في أعماقه في الداخل يوجد شخص يقول له بل اللآخرون هم السبب
فيؤدي هدا التناقض الى الاعتدار امام الآخرين و عدم البحث عن سبب اعتداره
مقالتك فعلا مميزة و لكن كانت ستبدو أكثر تمييزا لو وضعت أسباب فشل اللقاء
أقول الاسباب يعني ليست الأسباب التي دكرتها الواضحة هنا أسباب أخرى عميقة في نفس كل واحد منكم
كل واحد منكم حين حضر اللقاء لم يحضر لقاء تدوين و انما حضر لقاء أسرة بين الآباء و حضر لقاء مدينة بين ممثليها و حضر لقاء دولة بين وزراء و حضر لقاء العالم بين زعماء
فكن أبا و كن ممثلا و كن وزيرا و كن زعيما
و لا تطرح مشكلة الا ادا وجدت لها حلا فانك ان طرحتها دون حل ستكون انت بنفسك مشكلة

ميرسى لتعليك عندى يا كريم
بس كنت اتمنى تقرا الموضوع قبل اى شيء

شكرا ليك أختي أمة الله وسنتواصل بمشيئة الله

اخي الغالي جمال
ربما تكون صادق فيما قلته كله
ولكن الحل وجدنا وانتظر النتيجة
لتعرف ان المصضريين يد واحده ومهما اختلفت الاراء
سنعود

ولا يهمك يا لولا
هعلق ع الموضوع

اخى الحبيب الغالى الذى مهما اختلفت معه يظل مكانته فى قلبى كبيرة

كريم دعنا يا غالى نطوى هذه الصفحة بعد ان تعلمنا منها جميعا بشكل او اخر
وان شاء الله تعالى سوف يكون هناك المزيد من التنسيق وهو ما جرى عمله الان فعلا لمواضيع النقاش
اما بالنسبة لاقتراحك ان يكون هناك لقاء شهر مايو فشخصيا ليس لدى مشكلة سوى فقط ان نراعى توقيت موعد حقنة الكيماوى الخاصة بامى الحبيبة واننى لا استطيع النزول وقتها ولا بعدها باسبوع لاحتياج امى الشديد لى

غير هذا ما فى اى مشاكل وان كنت لا اعرف باقى المجموعة كيف سوف تكون الظروف وخاصة مع الامتحانات

ولكن شخصيا ما فى اى مشاكل طالما انه سوف يكون بعد يوم 10 مايو

وان شاء الله حتصل بك عن قريب يا غالى

لك ارق واعذب التحايا

ادعوكم اصدقائي المدونين ان تقرأوا هذا الموضوع ففيه ما يشفي غليلكم

ويهدئ من روعكم
وأحسبكم على خير ولكن لابد من أن تكون لنا اوقات عصيبة وأزمات

الموضوع بعنوان
الله يرحم المدونين ... انتم السابقون ونحن اللاحقون !!
تجدوه هنا

http://alkhlawy.jeeran.com/

أخى العزيز كريم الشيخ
حزنت جدا من فشل هذا اللقاء، وأعتقد أن السبب فى ذلك الفشل هو عدم وضع أجندة لما سيناقش فيه، وغياب روح الفريق لدينا..
خيرها فى غيرها إن شاء الله.

منتظر الوحش
لرايه في الموضوع الجديد

الرجيم ضرورة ايمانية
موضوع على باقة امل الآن
http://wenda.jeeran.com

اعدرني سيدي على الهجوم المفاجئ لمدونتك و لكن والله العظيم انت احدثت لي انقلابا في رؤيتي
كنت ادخل من قبل الى مدونتك ولكني اصاب باكتئاب واضح حين أقرأ لك لاني لا استفيد من مقالاتك سوى اننا لا زلنا بيادق شطرنج... فلا اعلق
اما الآن انا كنت مهتما بقضية اخرى...قضية الاجتماع...كنت احب ان اعرف كل شيء عنها...و بصراحة خدعتني تصريحات الاخوة الآخرين بأن اللقاء مر رائعا فصدقت و لكن مدونة نبيلة قالت شيئا آخر احسست ان شيئا ليس طبيعيا يحدث فلم يظهر لي سوى انت.و حقا كنت عند حسن ظني ليس لأنك صارحت بالحقيقة و لكن لانك لم تنافق...و صدقني مقالتك قرأتها باهتمام شديد فأيقنت حقا ان صوتك يريد ان يكون عاليا
لكن احببت ان اقول لك امرا و اتمنى ان تتدبره مليا..و حاول ان تكون منطقيا ارجوك
ما فائدة اللقاء في شهر خمسة؟ انكم حين ستلتقون ستقتلون الهدف الرئيسي للقاء وهو التعارف و النقاش ....ستلتقون فقط لتثبتوا لأنفسكم انه لم يحدث بينكم شيء يستدعي الكراهية...هدا امر محمود و لكن ليس بهده السرعة لأنه الآن لازال بعضكم غائبا في الندم و لا زال بعضكم يقول يا ريتني ما جيت...قد تلتقون و لكن في نظرك هل ستحس بنفس احساس اللقاء الاول و التاني؟
انا اقترح ان تهدأ النفوس و ان تدرسوا مليا سبب عدم تفاهمكم حتى لا تعودوا الى نفس المشكلة و انا اقول لو التقيتم في اقرب وقت فانكم ستكونون في نفسية مضطربة و ليس في شوق للقاء وهدا اكبر دليل على عدم صلاحيته...اتمنى ان ترى ان تاجيل اللقاء ولو بشهر آخر سيكون أفضل بالنسبة لكم
هدا مجرد اقتراح اتمنى ان تتدبر فيه جيدا
تحياتي

سيدي علي صوتك عدت لأتنازل عن اقتراحي
لأني علمت انكم اتفقتم جميعكم على الاجتماع ولا يجوز ان تختلفوا بعد ان اتفقتم...ربنا يوفقكم اخي في اجتماعكم المقبل
أخي ىامتني كلمة قلتها في مدونة النعماني حين قلت و اترك باقي المجتمع يتكلمون ويعوون...لا يا اخي صدقني نحن لا ننتظر سقطتكم ابدا بالعكس نحن نراقبكم ونعلق عليكم لنستفيد منكم ادا ما فكرنا ان ننظم مثل اجتماعاتكم الرائعة
صدقني اخي نحن لا نشمت فيكم ان لم تنجحوا ولا نحسدك ان نجحتم تحياتي كن بخير

سيدي علي صوتك عدت لأتنازل عن اقتراحي
لأني علمت انكم اتفقتم جميعكم على الاجتماع ولا يجوز ان تختلفوا بعد ان اتفقتم...ربنا يوفقكم اخي في اجتماعكم المقبل
أخي ألمتني كلمة قلتها في مدونة النعماني حين قلت و اترك باقي المجتمع يتكلمون ويعوون...لا يا اخي صدقني نحن لا ننتظر سقطتكم ابدا بالعكس نحن نراقبكم ونعلق عليكم لنستفيد منكم ادا ما فكرنا ان ننظم مثل اجتماعاتكم الرائعة
صدقني اخي نحن لا نشمت فيكم ان لم تنجحوا ولا نحسدك ان نجحتم تحياتي كن بخير